Reykjavík Loftbrú styrkir tónlistarfólk í útrás

Í mars sl. samþykkti stjórn Reykjavíkur Loftbrúar breytingar á áherslum og umfangi sjóðsins. Í stað smærri mánaðarlegra úthlutanna í formi farmiða er úthlutun sjóðsins nú ein á ári þar sem valin eru allt að fimm verkefni úr hópi umsækjenda, sem fá veglegt tveggja milljóna króna gjafabréf sem hægt verður að nota að vild í ferðir og aukafarangur með Icelandair.

Í dag, miðvikudaginn 9.maí kl 15.00 var blásið til móttöku í Iðnó þar sem tilkynnt var um hvaða fimm tónlistaratriði hljóta þessu veglegu ferðastyrki í ár. Styrkhafarnir eru:

Anna Þorvaldsdóttir hefur á seinustu árum átt mikilli velgengni að fagna utanlands sem innan. Á næstu misserum verða verk hennar flutt af mörgum stærstu hljómsveitum innan samtímatónlistargeirans í Bandaríkjunum og í Evrópu. Samhliða því stendur hún fyrir tónleikum með verkum íslenskra tónskálda erlendis.

Hljómsveitin Hugar hefur í samstarfi við bókunarskrifstofur sínar skipulagt tónleikaferðir út árið 2019 til að fylgja eftir góðu gengi á streymisveitum á undanförnum misserum.

AdHd hefur í yfir áratug byggt upp stóran aðdáendahóp á meginlandi Evrópu með tónlist sinni. Nú leggur bandið upp í langan Evróputúr til að fylgja á eftir nýrri plötu. Ljóst er að AdHd hefur aðgengi að viðamiklu tengslaneti innan jazzsenunnar og hefur í samstarfi við sína bókara skipulagt glæsilegt tónleikaferðalag.

Reykjavíkurdætur hafa látið mikið að sér kveða í íslensku tónlistarlífi á undanförnum árum og hafa í kjölfarið byggt upp gott tengslanet erlendis. Í samstarfi við bókunarskrifstofur víðsvegar um Evrópu hefur hljómsveitin skipulagt metnaðarfullt tónleikaferðalag til að fylgja þessari velgengni eftir.

Mammút hefur átt gríðarlega góðu gengi að fagna innanlands frá stofnun sveitarinnar og stefnir nú að tónleikaferðalögum um Evrópu til að fylgja eftir fimmtu breiðskífu sveitarinnar. Tónleikaferðirnar eru skipulagðar í samstarfi við bókunarskrifstofur sveitarinnar og spanna tveggja ára tímabil.

Með þeim breytingum sem nú hafa verið gerðar á Reykjavík Loftbrú er styrkur frá sjóðnum hrein búbót fyrir tónlistarfólk sem getur nýtt gjafabréfið til að kaupa flug og aukafarangur með Icelandair en breytingarnar á Reykjavík Loftbrú eru gerðar til að geta stutt enn betur við bakið á tónlistarfólki sem er í markvissri útrás með sína tónlist. Markmiðið með Reykjavík Loftbrú er einmitt að styðja við bakið á íslensku tónlistarfólki sem vill hasla sér völl á erlendri grundu og kynna um leið Reykjavík sem tónlistar- og menningarborg og spennandi viðkomustað ferðamanna.

Aðilar að Reykjavík Loftbrú eru Icelandair, Reykjavíkurborg, FÍH (Félag íslenskra hljómlistarmanna), FHF (Félag hljómplötuframleiðenda) og STEF (Samtök tónskálda og eigenda flutningsréttar).

Normal
0

false
false
false

EN-US
X-NONE
X-NONE

/* Style Definitions */
table.MsoNormalTable
{mso-style-name:"Table Normal";
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-parent:"";
mso-padding-alt:0cm 5.4pt 0cm 5.4pt;
mso-para-margin:0cm;
mso-para-margin-bottom:.0001pt;
line-height:115%;
mso-pagination:widow-orphan;
font-size:11.0pt;
font-family:"Arial",sans-serif;
mso-ansi-language:EN;}