Pasi Sahlberg fundar með borgarstjórn um nýja menntastefnu | Reykjavíkurborg

Pasi Sahlberg fundar með borgarstjórn um nýja menntastefnu

fimmtudagur, 6. september 2018

Finnski menntafræðingurinn Pasi Sahlberg fundaði í dag með borgarstjórn um nýja menntastefnu sem er í mótun, en hann hefur verið ráðgjafi við faglegar áherslur í stefnumótuninni. 

  • Finnski menntafræðingurinn Pasi Sahlberg
    Finnski menntafræðingurinn Pasi Sahlberg
  • Pasi Sahlberg á fundi borgarstjórnar.
    Pasi Sahlberg á fundi borgarstjórnar.
  • Pasi Sahlberg kynnir sér starfssemi Miðju máls og læsis
    Pasi Sahlberg kynnir sér starfssemi Miðju máls og læsis á stefnumóti menningar- og fræðslustofnana á Kjarvalsstöðum í dag.
  • Pasi Sahlberg fundaði með borgarstjórn þar sem ný menntastefna til 2030 var kynnt.
    Pasi Sahlberg fundar með borgarstjórn þar sem ný menntastefna til 2030 var kynnt.

Ný menntastefna Reykjavíkurborgar fram til ársins 2030 er nú í umsagnarferli hjá stofnunum skóla- og frístundasviðs, en vinna við mótun hennar hófst snemma árs 2017. Víðtækt samráð var haft við alla hagsmunaaðila í skólasamfélaginu og borgarbúa við mótun stefnunni sem nú er á lokastigi. Þá komu innlendir sem erlendir sérfræðingar að stefnumótuninni með ýmsu móti. 

Pasi Sahlberg hefur áður fundað með skólastjórnendum og stjórnendum frístundamiðstöðva í borginni um áherslur í nýrri menntastefnu og lagt áherslu á að nýta styrklega í reykvísku skólasamfélagi, s.s. traust samstarf skóla og frístundamiðstöðva og áherslu á útinám og umhverfisfræðslu. 

Í dag átti hann svo fund með stjórnendum á skóla- og frístundasviði um þau drög að stefnuplaggi sem nú liggja fyrir og er í umsagnarferli hjá stofnunum skóla- og frístundasviðs. Þvínæst fór hann á fund borgarstjórar þar sem stefnudrögin voru kynnt fyrir kjörnum fullrúum og áherslur hennar ræddar. 

Meira um menntastefnuna.