Til stendur að friðlýsa Akurey í Kollafirði. Reykjavíkurborg og Umhverfisstofnun auglýsa hér með kynningarfund 4. desember.
Vegna fyrirhugaðrar friðlýsingar Akureyjar í Kollafirði verður boðað til opins kynningarfundar á vegum Reykjavíkurborgar og Umhverfisstofnunar.
Fundurinn verður haldinn kl 17. þann 4. desember næstkomandi í húsnæði Reykjavíkurborgar, Borgartúni 14, nánar tiltekið í fundarsalnum Vindheimum á 7. hæð.
Á fundinum verður tillaga að friðlýsingu Akureyjar og drög að friðlýsingarskilmálum kynnt fyrir fundargestum.
Allir velkomnir.
Sjá nánar um friðlýsingaráformin hér.