Hverfisstjóri Breiðholts boðar til málþings um félagsauð í Menningarmiðstöðinni Gerðubergi miðvikudaginn 5. júní kl. 14.00 - 16.00. Málþingið er öllum opið og aðgangur er ókeypis.
Á málþinginu verða flutt erindi þar sem fjallað er m.a. um þau verðmæti sem felast í félagsauði (Social Capital) og hvaða þýðingu félagsauður hefur fyrir samfélagið. Sérstaklega verður nærsamfélagið í brennidepli og hvernig stuðla megi að félagsauði á hverfisgrunni. Fjallað verður um hvernig megi mæla félagsauð innan samfélaga.
Tilefni málþingsins er tilraunaverkefni í Breiðholti sem borgaryfirvöld ýttu úr vör í upphafi árs 2012. Því verkefni er ætlað að styrkja þjónustu borgarinnar við íbúa Breiðholts og m.a að stuðla að auknum félagsauði í hverfinu.
Dagskrá:
14.00 – 14.20 Sjöfn Vilhelmsdóttir stjórnmálafræðingur og doktorsnemi.
14.20 – 14.40 Jón Gunnar Berneburg prófessor í félagsfræði við Háskóla Íslands.
14.40 – 15.00 Kolbeinn Stefánsson félagsfræðingur við Hagstofu Íslands.
15.00 – 15.20 Kaffi.
15.20 – 16.00 Pallborðsumræður: Sjöfn Vilhelmsdóttir, Jón Gunnar Berneburg, Kolbeinn Stefánsson,
Óskar Dýrmundur Ólafsson hverfisstjóri Breiðholts og Dagur B. Eggertsson borgarfulltrúi.