Lofslagsmaraþon haldið í annað sinn | Reykjavíkurborg

Lofslagsmaraþon haldið í annað sinn

föstudagur, 26. október 2018

Loftslagsmaraþon (Climathon) hófst í dag og er haldið samtímis í 110 borgum í öllum heimsálfum í heilan sólarhring. Reykjavíkurborg tekur þátt í annað sinn, Líf Magneudóttir, formaður Umhverfis- og heilbrigðismálaráðs flutti opnunarávarp.  

  • Líf Magneudóttir og Jusin Vanhalst.
    Líf Magneudóttir, formaður umhverfis- og heilbrigðisráðs og Justin Vanhalst, verkefnastjóri Climathon, með trjáplöntur.
  • Hópur þátttakenda Climathon gróðursetur tré.
    Þátttakendur í loftlagsmaraþoni gróðursetja tré.
  • Þátttakendur hlusta á ávarp.
    Þátttakendur hlusta á ávarp.
  •  Justin Vanhalst, verkefnastjóri Climathon, kynnir verkefnið.
    Justin Vanhalst, verkefnastjóri Climathon, kynnir verkefnið.

 

Lofts­lags­m­araþonið stend­ur í heil­an sól­ar­hring og snýst um ný­sköp­un í lofts­lags­mál­um. Þar verður rætt um leiðir og hugmyndir um hvernig megi draga úr los­un gróður­húsaloft­teg­unda. Í gegnum hakkaþon fá þátttakendur tækifæri til að upplifa hvernig hugmynd verður að veruleika, hvernig tengslanet myndast og þeir fá æfingu í því að kynna hugmyndir fyrir dómnefnd. Hagsmunaaðilar geta tekið þátt og séð hvernig þeir eiga samleið með Reykjavík og verið um leið hluti af alþjóðlegri hreyfingu.

Hér á Íslandi er viðburðurinn skipulagður af Reykjavíkurborg og Matís ohf. í samvinnu við EIT Climate KIC evrópskri þekkingarmiðstöð sem vinnur að kolefnislausu hagkerfi.

Áskorun Climathon 2018 skiptist í þrjá hluta:

-          Hvernig er hægt að gera ferðaþjónustu í Reykjavík sjálfbærari og vistvænni?

-          Hvernig er hægt að gera meðferð og nýtingu matvæla í Reykjavík sjálfbærari?

-          Hvernig er hægt að efla hringrásarhugsun og hringrásarhagkerfi í samfélagi okkar? 

Í því felst t.d. að endurvinna og endurnýta hluti frekar en að farga þeim.