Erena Mist Pétursdóttir vann í myndasögusamkeppni sem Borgarbókasafnið stóð að í samvinnu við Myndlistarskólann í Reykjavík og Nexus. Úrslitin voru tilkynnt við hátíðlega athöfn í Borgarbókasafninu í gær.
Þetta er í tíunda skiptið sem samkeppnin er haldin. Þemað að þessu sinni var "Kynjaverur" og þátttakendur voru á aldrinum 10-20 ára.Verðlaun eru veitt fyrir þrjár bestu sögurnar. Úrslitin voru kynnt við hátíðlega athöfn þegar sýning með völdum myndasögum sem sendar voru í keppnina opnaði í Borgarbókasafninu, menningarhúsi Grófinni í gær laugardaginn 5. maí. Samtals voru 38 verk send í keppnina.
Sigurvegari í myndasögukeppninni er Erna Mist Pétursdóttir.
Viðurkenningar´hlutur:
· Emil Logi Heimisson
· Loftur Snær Orrason og Tómas Funi Guðbjörnsson
· Una Björk Guðmundsdóttir
Nexus gaf þremur þátttakendum teiknisett og -blokkir og í fyrstu verðlaun var teikninámskeið hjá Myndlistaskólanum í Reykjavík.
Dómnefnd í ár skipuðu Þórey Mjallhvít H. Ómarsdóttir, myndhöfundur, Ninna Þórarinsdóttir kennari í Myndlistaskólanum í Reykjavík og Droplaug Benediktsdóttir verkefnastjóri miðlunar og sýningarhalds hjá Borgarbókasafninu.
Sýning á völdum verkum í Borgarbókasafninu, menningarhúsi Grófinni stendur til 27. maí.