Samninganefnd Reykjavíkurborgar undirritaði nýjan kjarasamning við Samiðn, samband iðnfélaga miðvikudaginn 22. janúar síðastliðinn.
Að sögn Hörpu Ólafsdóttur, formanns samninganefndar Reykjavíkur, taka kjarasamningarnir mið af Lífskjarasamningnum svokallaða sem gildir á almennum vinnumarkaði. Verði samningarnir samþykktir munu þeir gilda frá 1. apríl 2019 til 31. mars 2023.
Samiðn - samband iðnfélaga, er landssamband stéttarfélaga sem varð til við samruna Málm- og skipasmiðasambands Íslands og Sambands byggingamanna. Aðild að sambandinu eiga starfsfólk í bílgreinum, hársnyrtigreinum, málmtæknigreinum, tækniteiknun, snyrtifræði, byggingagreinum, garðyrkju og skipasmíðum.
Formaður Samiðnar er Hilmar Harðarson.