Ítalskir kennarar heimsækja Rimaskóla

föstudagur, 23. mars 2018

Rimaskóli hefur á undanförnum árum, í samstarfi við ACLE, ítölsk samtök á sviði menntunar, menningar og málvísinda, boðið ítölskum kennurum af öllum skólastigum upp á dagsheimsókn í skólann.

  • Jónína Ómarsdóttir líffræðikennari Rimaskóla kynnti gestunum verðlauna verkefni sitt „Hugsað um barnið“ sem er hluti af kynfræðs
    Jónína Ómarsdóttir líffræðikennari Rimaskóla kynnti gestunum verðlauna verkefni sitt „Hugsað um barnið“ sem er hluti af kynfræðslu 9. bekkjar ár hvert.
  • Helgi skólastjóri skipulagði áhugaverða og fjölbreytta dagskrá sem hófst á bókasafni Rimaskóla
    Helgi skólastjóri skipulagði áhugaverða og fjölbreytta dagskrá sem hófst á bókasafni Rimaskóla.
  • Nemendur 5. bekkjar voru önnum kafnir við leirmótunarvinnu en höfðu ánægju af að sýna ítölskum gestum handbrögðin
    Nemendur 5. bekkjar voru önnum kafnir við leirmótunarvinnu en höfðu ánægju af að sýna ítölskum gestum handbrögðin.

Ítalskir kennarar hafa sýnt þessum heimsóknum mikinn áhuga og í fyrra heimsóttu 100 kennarar skólann. Á þessu ári taldi hópurinn 50 kennara.

Helgi Árnason skólastjóri skipulagði dagskrá fyrir hópinn og mætti kennarahópurinn þangað fimmtudaginn 22. mars.  Eftir móttökuathöfn með söng og upplýsingum um skólann var boðið upp á rúmlega þriggja tíma leiðsögn um kennslustofur. Gestirnir heilluðust af skólastarfinu, góðum aðbúnaði og vinalegum móttökum bæði frá nemendum, kennurum og öðru starfsfólki skólans.

List-og verkgreinakennsla eru nánast óþekktar greinar á Ítalíu með þeim hætti sem íslenskir skólar bjóða upp á. Stjórnendum í Rimaskóla fannst því oánægjulegt að fylgjast með því hversu mjög gestirnir heilluðust af viðfangsefnum nemenda og nutu þess að spjalla við þá og kennara þeirra.