Heilsa ehf. hefur, í samráði við matvælaeftirlit Heilbrigðiseftirlits Reykjavíkur, innkallað fæðubótarefnið Íslenskar Þaratöflur frá Gula miðanum vegna þess að varan inniheldur of mikið af steinefninu joði.
Samkvæmt upplýsingum á umbúðum vörunnar á hún að innihalda 220 µg af joði í ráðlögðum daglegum neysluskammti sem er ein tafla á dag. Töflurnar hafa verið efnamældar og kom í ljós að magn joðs er 800 µg í hverri töflu. Efri öryggismörk joðs samkvæmt Matvælaöryggisstofnun Evrópu (EFSA) eru 600 µg á dag.
Eftirfarandi upplýsingar auðkenna vöruna sem innköllunin einskorðast við:
Vörumerki |
Guli Miðinn. |
Vöruheiti |
Íslenskar Þaratöflur. |
Strikanúmer |
5690684000127 |
Lotunúmer |
Öll lotunúmer. |
Best fyrir |
Allar best fyrir dagsetningar. |
Nettómagn |
120 töflur. |
Framleiðandi (pökkun) |
Heilsa ehf., Bæjarflöt 1-3, 112 Reykjavík. |
Framleiðsluland |
Ísland. |
Dreifing |
Varan hefur verið seld í eftirfarandi heilsuverslunum, apótekum: Apótekaranum, Apóteki Garðabæjar, Apóteki Hafnarfjarðar, Apóteki Mosfellsbæjar, Apóteki Vesturlands, Apótekinu, Austurbæjarapóteki, Árbæjarapóteki, Borgar Apóteki, Garðs Apóteki, Heilsuhúsinu, Lyfjaveri / Heilsuveri, Lyfju, Lyfjum og heilsu, Reykjanesapóteki, Reykjavíkur Apóteki, Rima apóteki, Siglufjarðar Apóteki og Urðarapóteki.
Varan hefur verið seld í eftirfarandi verslunum og stórmörkuðum: Fjarðarkaup, Hagkaup, Hlíðarkaup, Iceland, Kaupfélag Skagfirðinga, Kjörbúðinni, Krónunni, Melabúðin, Nettó og Verslun Einars Ólafssonar |
Viðskiptavinum sem hafa keypt vöruna er bent á að neyta hennar ekki og farga eða skila henni í þeirri verslun þar sem hún var keypt gegn endurgreiðslu.