Lagsmaður ehf. og Vietnam Market ehf. hafa, í samráði við Heilbrigðiseftirlit Reykjavíkur, ákveðið að innkalla af markaði sojasósu í 750 ml flöskum vegna þess að aðskotaefnið 3-MCPD greindist yfir mörkum í sósunni.
Eftirfarandi upplýsingar auðkenna vöruna sem innköllunin einskorðast við:
Vörumerki: Datu Puti.
Vöruheiti: Soy Sauce.
Nettómagn: 750 ml.
Best fyrir: 07.04.2020, 17.03.2020, 17.09.2019, 17.10.2019, 17.11.2019.
Upprunaland: Filippseyjar.
Innflytjandi: Lagsmaður ehf., Brekkuhúsum 1, 112 Reykjavík og Vietnam Market ehf., Suðurlandsbraut 6, 108 Reykjavík.
Dreifing: Verslanir Fiska.is, Nýbýlavegi 14 og Lóuhólum 2-6, og verslun Vietnam Market, Suðurlandsbraut 6.
Við eftirlit í Hollandi greindust 49 – 59 µg/kg (ppb) af 3-monochlor-1,2-propanediol (3-MCPD) í sósunni. Hámarksmagn efnisins skv. reglugerð eru 20 µg /kg (ppb).
Viðskiptavinum Fiska.is og Vietnam Market sem keypt hafa vöruna er bent á að neyta hennar ekki og farga.