Í síðustu viku lagði mikill fjöldi fólks ferð sína í Gerðuberg og Mjódd þar sem starfsmenn umhverfis- og skipulagssviðs sátu fyrir svörum um vinnutillögur að hverfisskipulagi fyrir Breiðholt. Í vikunni voru líka farnar þrjár fjölmennar hverfisgöngur um Breiðholt undir leiðsögn starfsmanna sviðsins þar sem farið var yfir ýmsa þætti tillagnanna.
Á mánudag verður svo boðið upp á fjarfund með kynningum á tillögunum og hefst streymi á kynningum kl. 19.30. Fyrirlestrum verður streymt á vef Reykjavíkurborgar.
Tekið er á móti fyrirspurnum fyrir fundinn og meðan á honum stendur á netfangið hverfisskipulag@reykjavik.is. Kynningum verður einnig streymt á Facebook-síðu Reykjavíkurborgar (facebook.com/Reykjavik) og þar verður einnig mögulegt að setja inn fyrirspurnir meðan á fundi stendur. Hægt verður að skoða upptöku af fundinum að honum loknum.
Dagskrá
- Samráð í Breiðholti 2015 – 2020: Ævar Harðarson, arkitekt
- Helstu áherslur hverfisskipulags í Breiðholti: Ólöf Kristjánsdóttir, Óskar Örn Gunnarsson og Richard Briem hverfisskipulagsráðgjafar
- Arnarbakki – tillaga að deiliskipulagi: Anna Björg Sigurðardóttir, arkitekt
- Völvufell – tillaga að deiliskipulagi: Kristján Örn Kjartansson, arkitekt
- Vetrargarður – hugmyndir um uppbyggingu: Atli Steinn Árnason, framkvæmdastjóri
- Helstu ábendingar og áhyggjur Breiðhyltinga – Efni frá viðveru og hverfisgöngu: Halldór Árni Sveinsson, kvikmyndagerðarmaður
- Fyrirspurnir og svör
Fundarstjóri er Gunnar Hersveinn Sigursteinsson.
Auk framsögufólks taka eftirtalin þátt í að svara fyrirspurnum:
- Björn Axelsson, skipulagsfulltrúi
- Þorsteinn Rúnar Hermannsson, samgöngustjóri
- Sigurborg Ósk Haraldsdóttir, formaður skipulags- og samgönguráð
- Sara Björg Sigurðardóttir, formaður íbúaráðs Breiðholts
- Óskar Dýrmundur Ólafsson, framkvæmdastjóri Þjónustumiðstöðvar