Hjólað í vinnuna | Reykjavíkurborg

Hjólað í vinnuna

miðvikudagur, 2. maí 2018

Hjólað í vinnuna hófst með formlegum hætti í Fjölskyldu- og Húsdýragarðinum í morgun. heilsu og hvatningarverkefni Íþrótta- og Ólympíusamband Íslands sem haldið hefur verið árlega frá árinu 2003.

  • Lagt af stað til vinnu
    Lagt af stað til vinnu
  • Megin­markmið Hjól­reiða­áætlunar 2015–2020 að auka hlut­deild hjól­reiða í öllum ferðum í borginni
    Megin­markmið Hjól­reiða­áætlunar 2015–2020 að auka hlut­deild hjól­reiða í öllum ferðum í borginni
  • Dagur B. Eggertsson, borgarstjóri
    Dagur B. Eggertsson, borgarstjóri
  • Hjólreiðamenn snæddu morgunverð í Fjölskyldu- og húsdýragarðinum í tilefni átaksins Hjólað í vinnuna.
    Hjólreiðamenn snæddu morgunverð í Fjölskyldu- og húsdýragarðinum í tilefni átaksins Hjólað í vinnuna.
  • Dagur B. Eggertsson, borgarstjóri og Frímann Gunnarsson, þáttastjórnandi.
    Dagur B. Eggertsson, borgarstjóri og Frímann Gunnarsson, þáttastjórnandi frumsömdu ljóð á staðnum
  • Lilja Alfreðsdóttir, mennta- og menningarmálaráðherra
    Lilja Alfreðsdóttir, mennta- og menningarmálaráðherra
  • Menn gera sig klára til að hjóla í vinnuna á þessum fallega degi.
    Menn gera sig klára til að hjóla í vinnuna á þessum fallega degi.

Megin markmið verkefnisins er að vekja athygli á virkum ferðamáta sem heilsusamlegum, umhverfisvænum og hagkvæmum samgöngumáta. Þátttakendur eru hvattir til þess að hjóla, ganga, hlaupa eða nýta almenningssamgöngur til og frá vinnu í þrjár vikur í maí ár hvert. 

Lárus L. Blöndal, forseti ÍSÍ, Lilja Alfreðsdóttir, mennta- og menningarmálaráðherra, Alma Dagbjört Möller, landlæknir, Dagur B. Eggertsson, borgarstjóri og Frímann Gunnarsson, þáttastjórnandi ávörpuðu gesti áður en þeir héldu út í veðurblíðuna og hjóluðu til vinnu. 

Íþrótta- og Ólympíusamband íslands stendur í sextánda skipti fyrir Hjólað í vinnuna, heilbrigðri vinnustaðakeppni um allt land, frá 2. – 22. maí.

Verkefnið höfðar til starfsfólks á vinnustöðum landsins og hefur þátttakan margfaldast frá því að verkefnið fór af stað. Keppt er um fjölda þátttökudaga en lið geta jafnframt skráð sig í kílómetrakeppnina þar sem keppt er um heildarfjölda kílómetra. 

Í samræmi við stefnu Reykjavíkur­borgar um að efla vistvæna ferða­máta er það megin­markmið Hjól­reiða­áætlunar 2015–2020 að auka hlut­deild hjól­reiða í öllum ferðum í borginni. Aukin hlut­deild hjól­reiða er hag­kvæm, hefur góð áhrif á umhverfi, lýð­heilsu og lífs­gæði og skapar betri borg. 

Meira um átakið hjólað í vinnuna

Lykilframkvæmdir í borginni að bættum hjólastígum