Vegna hálku á veginum í Heiðmörk hefur honum verið lokað tímabundið til að gæta öryggis á vatnsverndarsvæðum, en mikið tjón yrði ef olía læki úr bíl sem lenti í óhappi.
Reykjavíkurborg lokaði í morgun veginum við afleggjarann að Elliðavatnsbænum og Garðabær lokaði við bílastæðið hjá Búrfellsgjá.
Mikill þjappaður snjór var á vegunum og við hlákuna myndaðist svell á vegunum.