Á morgun laugardaginn 2. júni mun miðborgin iða af lífi enda fjölmargir viðburðir í gangi.
Lokað verður fyrir umferð um miðborgina og Sæbraut þar sem fjöldi fólks mun leggja leið sína í miðborgina til að taka þátt eða fylgjast með opnunarhátíð Listahátíðar í Reykjavík, hjólreiðakeppninni WowTour of Reykjavik og Hátíð hafsins. Þeir sem hyggjast leggja leið sína í miðborgina eru hvattir til að skoða kortið vel og nýta aðrar leiðir til að komast leiðar sinnar eða að ganga, hjóla eða nýta almenningssamgöngur. Sjá kort.
