Fyrsti fundur nýs velferðarráðs | Reykjavíkurborg

Fyrsti fundur nýs velferðarráðs

föstudagur, 22. júní 2018

Nýtt velferðarráð kom saman á sínum fyrsta fundi kjörtímabilsins í morgun.

  • Fyrsti fundur velferðarráðs.
    Velferðarráð, frá vinstri; Egill Þór Jónsson, Magnús Már Guðmundsson, Heiða Björg Hilmisdóttir, Elín Oddný Sigurðardóttir, Sanna Magdalena Mörtudóttir, Ásgerður Flosadóttir sem mætti fyrir hönd Kolbrúnar Baldursdóttur og Alexandra Briem.
  • Sviðsstjóri ásamt velferðarráði.
    Sviðsstjóri, Regína Ásvaldsdóttir ásamt velferðarráði, Egill Þór Jónsson, Magnús Már Guðmundsson, Heiða Björg Hilmisdóttir, Elín Oddný Sigurðardóttir, Sanna Magdalena Mörtudóttir, Ásgerður Flosadóttir sem mætti fyrir hönd Kolbrúnar Baldursdóttur og Alexandra Briem.

Á fundinum voru fulltrúar í áfrýjunarnefnd kjörnir ásamt því að kjósa varaformann í velferðarráði og ráðsmenn undirrituðu þagnareið.  Síðan var farið í almenna kynningu á sviðinu og helstu samþykktir, stefnur og lykiltölur sviðsins kynntar. Einnig var lögð fram  fundaráætlun ráðsins til jóla.

Heiða Björg Hilmisdóttir er kjörin formaður velferðarráðs en varaformaður verður Elín Oddný Sigurðardóttir en hún er fráfarandi formaður ráðsins.  Aðrir í ráðinu eru Alexandra Briem, Magnús Már Guðmundsson, Egill Þór Jónsson, Kolbrún Baldursdóttir og Sanna Magdalena Mörtudóttir. Varamenn eru: Dóra Magnúsdóttir, Líf Magneudóttir, Rannveig Ernudóttir, Ragna Sigurðardóttir, Ragnhildur Alda Vilhjálmsdóttir , Vigdís Hauksdóttir og Daníel Örn Arnarsson.

Í áfrýjunarnefnd munu eiga sæti Heiða Björg Hilmisdóttir sem aðalmaður, fyrsti varamaður hennar er Elín Oddný og annar varamaður Magnús Már Guðmundsson. Frá minnihluta sitja í áfrýjunarnefnd Sanna Magdalena Mörtudóttir sem aðalmaður, fyrsti varamaður hennar er Egill Þór Jónsson og annar varamaður Kolbrún Baldursdóttir. Fyrir hönd velferðarsviðs eru tilnefndir Þóra Kemp, deildarstjóri, fyrsti varamaður hennar er Kristjana Gunnarsdóttir, skrifstofustjóri og annar varamaður er Helga Sigurjónsdóttir, deildarstjóri.

Fundir ráðsins verða á föstudögum og hægt er að kynna sér velferðarráð og fundargerðir ráðsins á vef borgarinnar.