Árlegar viðurkenningar fyrir meistaraverkefni í leikskólakennara-, grunnskólakennara- og tómstundafræðum voru í fyrsta sinn veittar við hátíðlega athöfn í safni Sigurjóns Ólafssonar fimmtudaginn 25. október.
Verkefnin eru unnin á vettvangi skóla- og frístundastarfs Reykjavíkurborgar og hafa hagnýtt gildi fyrir framþróun menntunar í borginni.
Markmið þessara verðlauna er að auka hagnýtingu rannsókna í fagstarfi með börnum og unglingum í borginni, vekja athygli á skóla- og frístundastarfi í borginni og hvetja meistaranema til að gera Reykjavík að vettvangi rannsókna, náms og starfs.
Seinna í vetur verður efnt til kynninga á verðlaunaverkefnum fyrir stjórnendur og starfsfólk skóla- og frístundasviðs.
Tólf nemendur fá árlega viðurkenningu fyrir slík verkefni og eru verðlaunin að upphæð 250.000 krónur. Í ár voru tíu verkefni voru frá Menntavísindasviði Háskóla Íslands, eitt frá Listaháskólanum, listkennsludeild og eitt frá menntasviði háskólans í Warwick á Englandi.
Fjögurra manna dómnefnd, skipuð sérfræðingum í starfi leikskóla, grunnskóla og frístundastarfs fór yfir umsóknir og valdi tólf verðlaunaverkefni þessa árs.
Eftirfarandi verkefni hljóta viðurkenningu skóla- og frístundaráðs haustið 2018;
Bjarni Þórðarson – Vinabönd. Þróunarverkefni um námskeið í vináttuþjálfun fyrir unglinga, Íþrótta. Tómstunda- og þroskaþjálfadeild HÍ.
Diljá Barkardóttir - Nám og kennsla um kynheilbrigði á unglingastigi séð frá sjónarhóli kennara. Kennaradeild HÍ.
Guðbjörg Lóa Ólafsdóttir - „Milli steins og sleggju“. Hindranir sem standa í vegi fyrir fullri þátttöku allra nemenda í efstu bekkjum grunnskóla að mati kennara. Uppeldis- og menntunarfræðideild HÍ.
Hákon Sæberg Björnsson - „Dagurinn líður ótrúlega hratt og ég er alltaf komin strax heim“ Starfendarannsókn á notkun kennsluaðferðarinnar sérfræðingskápan þar sem nám nemenda fer fram í hlutverki. Kennaradeild HÍ
Katrín Pálsdóttir - Faglegt lærdómssamfélag milli leik- og grunnskólakennara í samreknum skólum. Kennaradeild HÍ
Kriselle Lou Suson Jónsdóttir - Tungumálafjölbreytni hjá börnum á Íslandi: Tungumálastefna fjölskyldu þeirra og íslensk hljóðkerfisvitund. Kennaradeild HÍ.
Kristín Þóra Guðbjartsdóttir - SKYNJAÐU, UPPLIFÐU, NJÓTTU - Miðlun menningararfs og menning hversdagsins. Listkennsludeild LHÍ.
Linda Rós Jóhannsdóttir - Lítum lengra .Sýn leikskólabarna á hlutverk leikskólakennara sem skrá athafnir þeirra. Kennaradeild HÍ.
Ómar Örn Magnússon - Self-reported honesty and measured trust. An experiment in comparing head teachers´ self-reported honesty and trust as measured in job satisfaction survey in compulsory schools in Reykjavík, Iceland. University of Warwick, Centre for Education Studies.
Sigurbaldur Frímannsson - „Börnin ráða sjálf ferðinni“. Reynsla leikskólakennara af opnum efnivið. Kennaradeild HÍ.
Sólveig Edda Ingvarsdóttir -„Við erum í forréttindahverfi“. Starfsaðstæður og faglegt sjálfstæði kennara í grónum millistéttarhverfum. Uppeldis- og menntunarfræðideild HÍ.
Tanya Helgason - „Hvernig tengist þetta stærðfræði?“. Stærðfræðikennsla í fjölmenningarbekk. Kennaradeild HÍ