Forstöðumaður búsetukjarna tilnefndur til stjórnunarverðlauna | Reykjavíkurborg

Forstöðumaður búsetukjarna tilnefndur til stjórnunarverðlauna

fimmtudagur, 1. mars 2018

Stjórnunarverðlaun Stjórnvísi voru veitt í níunda sinn þriðjudaginn 28. febrúar við hátíðlega athöfn að viðstöddum forseta Íslands.

  • Helgi Þór Gunnarsson.
    Helgi Þór Gunnarsson er farsæll forstöðumaður hjá velferðarsviði auk þess að fást við ýmis verkefni eins og geðveikan fótbolta, FC-Sækó. Myndin er tekin þegar Helgi Þór tók við hvatningarverðlaunum velferðarráðs fyrir FC-sækó, geðveikan fótbolta.
  • Sigrún Ósk Sigurðardóttir, forseti Íslands Guðni Th. Jóhannesson,  Friðrik Þór Snorrason, Jóhannes Ingi Kolbeinsson og Borg
    Verðlaunahafar ásamt forseta Íslands og formanni dómnefndar. Frá vinstri; Sigrún Ósk Sigurðardóttir, forseti Íslands Guðni Th. Jóhannesson, Friðrik Þór Snorrason, Jóhannes Ingi Kolbeinsson og Borghildur Erlingsdóttir, formaður dómnefndar. Myndin birt með leyfi Stjórnvísi.

Á meðal tilnefndra stjórnenda var Helgi Þór Gunnarsson, forstöðumaður hjá velferðarsviði. Hann er eini stjórnandinn frá Reykjavíkurborg, sem tilnefndur var í ár til stjórnunarverðlauna Stjórnvísi. Velferðarsvið Reykjavíkurborgar er stolt yfir tilnefningu Helga Þórs en hann er vel að henni kominn.

Markmið Stjórnunarverðlauna Stjórnvísi er að vekja athygli á framúrskarandi starfi stjórnenda, örva umræðu um faglega stjórnun og hvetja félagsmenn til að auka þekkingu sína, hæfni og færni sem stjórnendur. 

Í ár unnu Stjórnunarverðlaun Stjórnvísi þau Friðrik Þór Snorrason, forstjóri Reiknistofu bankanna í flokki yfirstjórnenda, Sigrún Ósk Sigurðardóttir, aðstoðarforstjóri ÁTVR í flokki millistjórnenda og Jóhannes Ingi Kolbeinsson, stofnandi Kortaþjónustunnar í flokki frumkvöðla.