Velferðarsvið Reykjavíkurborgar óskar eftir því að ráða mannauðsráðgjafa í tímabundið starf til að leiða frekari uppbyggingu og umbætur í vinnuumhverfi starfsfólks af erlendum uppruna.
Ráðgjafinn yrði hluti af mannauðsteymi velferðarsviðs sem veitir ráðgjöf og fræðslu til stjórnenda og starfsfólks sviðsins. Fólk af erlendum uppruna er sérstaklega hvatt til að sækja um starfið.
Í starfinu felst að vinna að úrbótum á starfsumhverfi og styrkja tengsl við starfsfólk af erlendum uppruna í samvinnu við stjórnendur og starfsmenn sviðsins. Ráðgjafi þarf að leiðbeina og upplýsa starfsmenn af erlendum uppruna um réttindi, starfsmannamál auk þess að auka fjölmenningarlæsi starfsmanna á velferðarsviði.
Æskilegt er að umsækjandi hafi háskólamenntun sem nýtist í starfi, framhaldsmenntun á sviði mannauðsmála er æskileg, þekking og reynsla af stöðu fólks af erlendum uppruna. Tungumálakunnátta skiptir máli og aðrir færniþættir sem fram koma í auglýsingu. Umsóknarfrestur er til og með 19. maí næstkomandi.