Á morgun, fimmtudaginn 10. júní breytist akstursstefna í Tryggvagötu.
Vegna undirbúnings við framkvæmdasvæði við Tryggvagötu á milli Nausta og Pósthússtrætis, mun á morgun fimmtudag kl. 10 verða settar upp umferðarmerkingar þar sem m.a. akstursstefnu verður snúið við um austanverða Tryggvagötu.
Lokað verður fyrir innakstur í Tryggvagötu frá Kalkofnsvegi, Lækjargötu og Hverfisgötu. Áætlað er að framkvæmdum ljúki í desember.