Borgin okkar - styrkir íbúaráða 2022
Auglýst er eftir verkefnum og viðburðum sem ætlað er að stuðli að auknu mannlífi, menningu, félagsauði og lífsgæðum í hverfunum árið 2022. Mikilvægt er að verkefnin höfði til allra aldurshópa og skírskoti til breiðs hóps fólks sem vill sækja sér afþreyingu og upplifun í eigin hverfi.
Íbúaráð afgreiddu styrki á vordögum og nú er opnað fyrir umsóknar að nýju í þeim hverfum sem ennþá hafa fé til úthlutunar. Íbúaráð Kjalarness, Grafarholts og Úlfarsárdals og Árbæjar og Norðlingaholts hafa þegar úthlutað því styrkfé sem þau höfðu til umráða. Upphæðir styrkjanna eru í samræmi við íbúafjölda hverfanna. Eftirfarandi eru þær fjárhæðir sem sex íbúaráð hafa til úthlutunar.
Upphæðir eru eftirfarandi:
|
Íbúaráð Breiðholts |
kr. 1.700.000 |
|
Íbúaráð Grafarvogs |
kr. 1.590.000 |
|
Íbúaráð Háaleitis- og Bústaðahverfis |
kr. 1.967.000 |
|
Íbúaráð Laugardals |
kr. 2.155.000 |
|
Íbúaráð Miðborgar og Hlíða |
kr. 640.000 |
|
Íbúaráð Vesturbæjar |
kr. 2.622.000 |
Umsóknarfrestur er frá 21. september til og með 16. október 2022. Að öllu jöfnu er miðað við að styrkupphæðir fyrir hvert verkefni, séu á bilinu kr. 50.000 til 500.000. Starfsstaðir Reykjavíkurborgar geta ekki sótt um styrki en geta verið samstarfsaðilar í verkefnum sem aðrir sækja um styrki til.
Hverjir geta sótt um og hvað er styrkt?
Einstaklingar, félagasamtök eða aðrir hópar sem vinna saman að einstöku verkefni geta sótt um styrk í sjóðinn. Markmið sjóðsins er að efla hverfisanda, félagsauð, mannlíf og menningu í hverfunum.
Styrkir geta til dæmis fallið til:
- Viðburða í hverfum borgarinnar sem höfða til allra aldurshópa
- Markaða sem efla líf í hverfinu
- Tónleika, listviðburða eða annað sem eflir hverfisvitund
- Viðburða eða verkefna tengd jólum
- Hreinsun eða gróðursetningar á svæðum innan hverfisins
- Önnur verkefni sem eru til þess fallin að auka félagsauð og styrkja hverfisvitund
Styrknum er ekki ætlað að koma í stað launa heldur vegna efniskostnaðar, kaupa á listviðburðum, kostnaði við leiðbeinendur, auglýsingakostnað eða veitingar.
Vakin er athygli á því að viðburðir eða verkefni eru ekki styrkt eftir á.
Styrkþegar skulu þegar við á sækja um nauðsynleg leyfi fyrir framkvæmd verkefnis, t.d. notkun á borgarlandi og uppsetningu mannvirkja. Frekari leiðbeiningar eru veittar hjá starfsmönnum mannréttinda- og lýðræðisskrifstofu: hverfissjodur@reykjavik.is.