Bjarg byggir 83 íbúðir í Úlfarsárdal | Reykjavíkurborg

Bjarg byggir 83 íbúðir í Úlfarsárdal

föstudagur, 27. apríl 2018

Skóflustunga að 83 nýjum leiguíbúðum við Urðarbrunn 130-132 í Úlfarsárdal, Reykjavík sem Bjarg íbúðafélag byggir var tekin í dag

  • Skóflustunga við Urðarbrunn í Úlfarsárdal. Borgarstjóri og forráðamenn Bjargs íbúðafélags og verkalýðshreyfingarinnar.
    Dagur B. Eggertsson borgarstjóri tók skóflustunguna að íbúðum Bjargs við Urðarbrunn í Úlfarsárdal ásamt forkólfum verkalýðshreyfingarinnar.
  • Glatt var á hjalla við skóflustunguna í dag.
    Glatt var á hjalla við skóflustunguna í dag. Reykjavíkurborg leggur til lóðir sem stofnframlag við uppbyggingu íbúða Bjargs.
  • Við skóflustunguna í dag. Mikil uppbygging er í Úlfarsdárdal þessi misserin.
    Við skóflustunguna í dag. Mikil uppbygging er í Úlfarsdárdal þessi misserin. Hún verður enn meiri þegar lóðir við Leirtjörn fara í uppbyggingu.
  • Allt að fara á fullt. Skurðgrafan var mætt á lóð Bjargs við Urðarbrunn.
    Allt að fara á fullt. Skurðgrafan var mætt á lóð Bjargs við Urðarbrunn. Framkvæmdir við íbúðirnar hefjast strax.
  • Tölvuteiknuð mynd af íbúðunum við Urðarbrunn í Úlfarsárdal. Mynd: THG arkitektar.
    Tölvuteiknuð mynd af íbúðunum við Urðarbrunn í Úlfarsárdal. Mynd: THG arkitektar.
  • Tölvuteiknuð mynd af íbúðum Bjargs íbúðafélags í Úlfarsárdal. Mynd: THG Arkitektar.
    Tölvuteiknuð mynd af íbúðum Bjargs íbúðafélags í Úlfarsárdal. Mynd: THG Arkitektar.

Hér er um að ræða annað verkefni Bjargs en skóflustungan að fyrsta íbúðakjarna félagsins var tekin í lok febrúar við Móaveg í Reykjavík. Framkvæmdir við Móaveg eru komnar vel á veg en þar munu 155 íbúðir rísa. Þá áformar félagið umfangsmiklar framkvæmdir á næstu misserum en reiknað er með að um 450 íbúðir verði komnar í byggingu hjá félaginu í lok þessa árs og rúmlega 1.000 til viðbótar á næstu þremur til fjórum árum. Íbúðir í fyrsta áfanga verða meðal annars í Reykjavík, á Akranesi, Akureyri, Þorlákshöfn og Sandgerði. Þá á félagið í viðræðum við sveitafélög víðar á landinu. Reykjavíkurborg leggur félaginu til lóðir sem stofnframlag til uppbyggingarinnar.  

Stefnt er á að næstu byggingarframkvæmdir félagsins, hefjist í haust við Hallgerðargötu við Kirkjusand í Reykjavík en þar verða byggðar 80 íbúðir. Þá er hafin forhönnun 33 íbúða sem rísa munu á Akranesi.

Reiknað er með að fyrstu íbúðirnar í Reykjavík verði afhentar í júní 2019.

Byggingarfélagið Eykt mun sjá um byggingu fjölbýlishúsanna við Urðarbrunn, Verkfræðistofan Mannvit sér um verkfræðihönnun og arkitekt er THG arkitektar.

Bjargi er ætlað að skapa tekjulægri hópum öruggt og gott húsnæði.  Íbúðir félagsins verða því afar mikilvæg viðbót inn á húsnæðismarkaðinn.

Verið er að ganga frá undirbúningi vegna skráningar á biðlista vegna íbúðanna, á heimasíðu Bjargs