Styrkir skóla- og frístundaráðs til 43 verkefna voru afhentir í gær og fór athöfnin fram í Hannesarholti.
Skúli Helgason, formaður skóla- og frístundadráðs, afhenti almenna styrki og þróunarstyrki fyrir alls um 22 milljónir króna, en alls fengu 33 nýbreytni- og þróunarverkefni styrki.
Við styrkveitingar var áhersla lögð á verk-, tækni og listgreinar, móðurmálskennslu barna af erlendum uppruna, frístundastarf fyrir alla og lestrarfærni og lesskilning. Þá var áhersla á þverfaglegt samstarf leikskóla, grunnskóla og frístundamiðstöðva.
Úthlutunarnefndir voru skipaðar fulltrúum kennara/frístundaráðgjafa, stjórnenda, sérfræðingum úr háskólasamfélaginu og starfsmönnum skóla og frístundasviðs.