​​​​​​​Aðstaða til tónleikahalds í Reykjavík og Framtíðarbókasafnið | Reykjavíkurborg

​​​​​​​Aðstaða til tónleikahalds í Reykjavík og Framtíðarbókasafnið

fimmtudagur, 8. nóvember 2018

Menningar-, íþrótta- og tómstundaráð Reykjavíkurborgar boðar til opins fundar í Tjarnarsal Ráðhúss Reykjavíkur mánudaginn 12. nóvember kl. 14-16. Allir velkomnir.

  • Við Reykjavíkurtjörn. Mynd Ragnar Th. Sigurðsson
    Við Reykjavíkurtjörn. Mynd Ragnar Th. Sigurðsson
  • Tónleikar í Reykjavík. Mynd Ragnar Th. Sigurðsson
    Tónleikar í Reykjavík. Mynd Ragnar Th.
  • Frá Borgarbókasafni. Mynd Ragnar Th. Sigurðsson
    Frá Borgarbókasafni. Mynd Ragnar Th. Sigurðsson

Dagskrá fundarins:

kl. 14.00 Aðstaða til tónleikahalds í Reykjavík

María Rut Reynisdóttir, verkefnastjóri Tónlistarborgarinnar.

Til að styðja við lifandi tónlistarflutning þarf tónleikastaði af öllum stærðum og gerðum sem þjóna sem vettvangur fyrir tónlistarfólk til að miðla sinni listsköpun. Hvernig er aðstöðu til tónleikahalds háttað í Reykjavík og hvaða eru leiðir til úrbóta?

– kynning 20 mín

Ráðsfulltrúar ræða sína sýn – 20 mín

Umræður með þátttöku úr sal – 20 mín

Kl. 15.00 Framtíðarbókasafnið

Pálína Magnúsdóttir borgarbókavörður  og Guðrún Lilja Gunnlaugsdóttir, deildarstjóri þjónustu og þróunar á Borgarbókasafni.

Hvar er Borgarbókasafnið statt í dag og hver er þróunin erlendis? Sagt verður frá notendamiðaðri hönnun við innleiðingu þjónustustefnu Borgarbókasafnsins. Auk þess verða kynntar hugmyndir að Framtíðarbókasafninu út frá notendarannsóknum og möguleg skref í átt til framtíðar með aðstoð borgarbúa. - kynning 20 mínútur

Ráðsfulltrúar ræða sína sýn – 20 mín

Umræður með þátttöku úr sal – 20  mín

Kjörnir fulltrúar í menningar-, íþrótta- og tómstundaráði verða í pallborði.

Einnig verður opnað fyrir umræður úr sal.

Fundarstjóri verður Pawel Bartoszek, formaður menningar-, íþrótta- og tómstundaráðs.