No translated content text
Alls verða tólf lóðir við leik- og grunnskóla Reykjavíkurborgar ýmist endurgerðar eða lagfærðar í ár fyrir samtals 540 milljónir. Áætlað er að framkvæmdir hefjist í júní og þeim ljúki í september.
Borgarráð heimilaði í dag umhverfis- og skipulagssviði að bjóða út þessar framkvæmdir.
Alls verða tíu grunn- og leikskólalóðir endurgerðar en framkvæmdirnar fara yfirleitt fram í áföngum. Endurgerð felur í sér endurskipulagningu og endurnýjun lóðar.
Leikskólalóðir
- Hálsaskógur-Borg 2. áfangi
- Klambrar 1. áfangi
- Suðurborg 1. áfangi
- Tjarnarborg-Tjörn heildaráfangi
- Reynisholt ungbarnasvæði
- Sunnufold-Frosti aðkoma, hjólastæði o.fl.
Grunnskólalóðir
- Breiðholtsskóli 3. áfangi
- Borgaskóli 1. áfangi
- Vogaskóli boltavellir og rólusvæði – fyrri áfangi
- Langholtsskóli leiksvæði suðvesturhluta
Gert ráð fyrir að farið verði í ýmis átaksverkefni á tveimur leikskólalóðum til viðbótar. Átaksverkefni eru gerð á lóðum þar sem skipulag er í lagi en styrkja eða endurnýja þarf einstök svæði innan lóðar. Á þessum lóðum verða leiktæki endurnýjuð á hluta leiksvæða og öryggismöl skipt út með nýju fallvarnarefni og/eða gervigrasi.