Forvarnarsjóður Reykjavíkur | Reykjavíkurborg

Forvarnarsjóður Reykjavíkur


Opið er fyrir umsóknir í Forvarnarsjóð Reykjavíkur. Um er að ræða síðari úthlutun úr sjóðnum fyrir árið 2018.

Umsóknarfrestur er til miðnættis mánudaginn 3. september 2018.

 

Almennt um sjóðinn

Hlutverk Forvarnarsjóðs Reykjavíkur er að stuðla að forvörnum og efla félagsauð í hverfum Reykjavíkur. Markmið sjóðsins er að styrkja forvarnarverkefni í samræmi við forvarnarstefnu Reykjavíkurborgar og veita einstaklingum, félagasamtökum, fyrirtækjum og stofnunum tækifæri til frumkvæðis og nýsköpunar. Í forvarnarstefnunni er m.a. lögð áhersla á að bæta andlega líðan, heilsu og sjálfsmynd barna og unglinga og forvarnir gegn áhættuhegðun. Hlutverk sjóðsins er jafnframt að vinna að eflingu félagsauðs og stuðla að hvers kyns framförum í hverfum borgarinnar.

Ferli umsóknar

Allar styrkumsóknir sem ganga þvert á hverfi borgarinnar eru lagðar fyrir samráðshóp um forvarnir í Reykjavík og til umsagnar og samþykktar í velferðarráði. Umsóknir um verkefni í einstökum hverfum fara fyrir hverfisráð til samþykktar. Allir umsækjendur fá skriflegt svar þegar niðurstöður um úthlutun liggja fyrir.

Úthlutunarreglur Forvarnarsjóðs Reykjavíkur
Rafræn umsókn á Mínum síðum (Rafræn Reykjavík)
Eyðublað fyrir greinargerð um ráðstöfun styrkfjár
Merki borgarinnar til að setja á kynningarefni

Fyrirspurnir og/eða ábendingar

Velferðarsvið Reykjavíkurborgar hefur umsjón með sjóðnum. Nánari upplýsingar veitir Elínrós Hjartardóttir í síma 411 9003, netfang: elinros.hjartardottir@reykjavik.is. Einnig má senda fyrirspurnir á netfangið forvarnarsjodur@reykjavik.is.

Upplýsingar um styrki í einstökum hverfum borgarinnar veita framkvæmdastjórar þjónustumiðstöðva velferðarsviðs.

Þarfnast þessi síða lagfæringar?

3 + 1 =