Flóasiglingar

Reykjavíkurborg og Akraneskaupstaður auglýsa eftir rekstraraðila til að taka að sér tilraunaverkefni um beinar siglingar ferju á milli Reykjavíkur og Akraness.

Hugmyndir sveitarfélaganna eru þær að á samningstímabilinu sjái rekstraraðili um reglulegar siglingar fyrir á bilinu 50-200 farþega, að lágmarki tvisvar sinnum á dag fram og til baka á milli Akraness og Reykjavíkur. Gert er ráð fyrir að báturinn nái að sigla leiðina á 30-45 mínútum þannig að vel fari um farþega þrátt fyrir sjólag. Ekki er gert ráð fyrir flutningi á vélknúnum farartækjum í þessu verkefni.

Markmið tilraunaverkefnisins er að kanna rekstrargrundvöll reglulegra bátsferða á milli sveitarfélaganna. Rekstraraðili þarf því að gera ráð fyrir því að safna upplýsingum m.a. um samsetningu farþega og aðra tengda rekstrarþætti á fyrirhuguðu samningstímabili.

Fyrirspurnarfrestur rennur út þann 21. mars 2017 kl. 15:00.

Útboðsgögn verða  eingöngu  aðgengileg á útboðsvef Reykjavíkurborgar frá kl. 12:00 föstudaginn 17. mars 2017 á vefslóðinni: http://utbod.reykjavik.is

Finna má leiðbeiningu um nýskráningu fyrirtækja á vefslóðinni http://reykjavik.is/utbodsauglysingar - Nýskráning fyrirtækja hefst með því að smella
„New supplier registration“ og fylgja leiðbeiningum á skjá.

Vakin er athygi á að senda verður fyrirspurnir í gegnum útboðsvef innkaupadeildar.   Fyrirspurnum sem berast með öðrum hætti verður ekki svarað.

Tilboðum skal skila með rafrænum hætti á framangreindan útboðsvef innkaupadeildar Reykjavíkurborgar eigi síðar en:  kl. 14:00 þriðjudaginn 28. mars 2017.

Þarfnast þessi síða lagfæringar?

6 + 6 =