1. janúar 2017 tóku gildi nýjar reglur um visthæfar bifreiðar.

Visthæfa skífu á að stilla á þann tíma sem bifreið er lagt og er gildistíminn 90 mínútur frá þeim tíma. Athuga að það þarf líka að stilla skífuna leggi maður í hleðslustæði til að hlaða bílinn.

Skilyrði fyrir að heimilt sé að leggja visthæfum bifreiðum í gjaldskyld bílastæði án endurgjalds er að gild visthæf skífa, útgefin af Reykjavíkurborg, sé í framrúðu bifreiðar sbr. reglur um visthæfa bíla. Gjaldfrelsi fellur niður sé bifreið á negldum hjólbörðum.

Óheimilt er að endurstilla skífuna. Sé þörf á lengri tíma er hægt að kaupa tímamiða fyrir þann tíma sem upp á vantar og stilla visthæfa skífu á þann tíma sem tímamiði rennur út. Einnig geta ökumenn nýtt GSM greiðslukerfi  þegar visthæf skífa rennur út.

Visthæfar skífur fást afhentar hjá þjónustuveri Reykjavíkurborgar, Borgartúni 12-14 og í bílaumboðum og kosta ekki neitt. 

skifa.jpg

Þeir sem hafa rétt á visthæfum skífum eru eftirfarandi:

a) Bifreiðar með rafgeymi/brunahreyfil, sem gefur frá sér minna en 50 g koldíoxíði pr. km. í blönduðum akstri (tengitvinnbílar) og skráða eigin þyngd minni en 1600 kg.
b) Bifreiðar með brunahreyfil, sem ganga  fyrir metani og skráða eigin þyngd minni en 1600 kg.
c) Bifreiðar sem ganga eingöngu fyrir rafmagni, rafgeymabílar og skráða lengd minni en 5 m.
d) Bifreiðar sem ganga fyrir vetni og skráða lengd minni en 5m.

Takmarkanir

Gjaldfrelsi gildir einungis fyrir bifreiðar með klukkuskífum útgefnum af Reykjavíkurborg og fellur niður ef bifreið er á nagladekkjum.

Tími

Tími gjaldfrelsis miðast við hverja ökuferð en endurnýjast ekki við tilflutning milli bílastæða.  

Heimildin fellur niður sé bifreiðin á negldum hjólbörðum.

Nýjar útgefnar heimildir samkvæmt ofanskráðum reglum skulu gilda til ársloka 2019. Þá verða allar heimildir innkallaðar og endurskoðaðar. Gildistími skal koma fram á klukkuskífum.

Heimildir samkvæmt gildandi reglum falla úr gildi í árslok 2016. Endurnýja þarf þegar útgefnar heimildir sem uppfylla ofanskráðar reglur.

Samþykkt í borgarráði 7. apríl 2016

Hvert er skífan sótt?

Sótt er um endurnýjun á visthæfri skífu í Þjónustuveri Reykjavíkurborgar, Borgartúni 12-14, hjá þjónustufulltrúa á fyrstu hæð á milli 08:20 -16:00 alla virka daga.

Skífur fást afhentar í Þjónustuveri Reykjavíkurborgar, Borgartúni 12-14 og í bílaumboðum.

http://reykjavik.is/thjonustuver-reykjavikurborgar

 

Þarfnast þessi síða lagfæringar?

8 + 12 =