Muggur ferðasjóður

Muggur er sjóður á vegum menningar- og ferðamálaráðs, Sambands íslenskra myndlistarmanna og Myndstefs. Hlutverk sjóðsins er að styrkja myndlistarmenn til tímabundinnar dvalar erlendis vegna sýningar, vinnustofu eða annars sambærilegs myndlistarverkefnis.

Fyrir hverja er sjóðurinn?

Til að geta fengið úthlutun úr dvalarsjóði Muggs þarf umsækjandi að vera fullgildur skuldlaus félagi í SÍM og leggja fram tilskilin gögn sem staðfesta boð um þátttöku í myndlistarviðburði eða úthlutun á aðstöðu til vinnu við myndlist. Ekki er veitt fé vegna dvalar í vinnustofum þegar fullir dvalarstyrkir fylgja úthlutun.

Hlutverk sjóðsins er að styrkja myndlistarmenn til tímabundinnar dvalar erlendis vegna sýningar, vinnustofu eða annars sambærilegs myndlistarverkefnis. Með þeim hætti er sjóðnum ætlað að efla myndlistarstarf í Reykjavík og styrkja ímynd Reykjavíkurborgar sem framsækinnar menningarborgar á heimsvísu. Stofnun sjóðsins er liður í því að gera Reykjavíkurborg að vettvangi alþjóðlegra listastrauma.

Hvernig er sótt um styrk úr sjóðnum?

Umsóknum skal fylgja ítarleg og greinargóð lýsing á verkefninu, upplýsingar um sýningu, sýningarstað, vinnustofusetur, verkstæði, ráðstefnu eða annað það sem við á hverju sinni. Einnig skal fylgja staðfesting ábyrgðarmanns verkefnisins í því landi sem það fer fram í, það er að segja sýningarstjóra, safnstjóra, galleríeiganda, forstöðumanns vinnustofuseturs, verkstæðis eða annars, allt eftir eðli verkefnisins. Dagsetningar verkefnisins verða að koma fram.

Styrkþegar undirgangast skuldbindingar gagnvart sjóðnum samkvæmt sérstökum samningum sem gerðir verða í kjölfar úthlutunar og verða styrkþegar meðal annars að skila stuttri greinargerð um notkun styrksins.

Mikilvægt er að hafa umsóknina vandaða, skýra og hnitmiðaða. Lesa skal reglur og leiðbeiningar vel.

Einungis er hægt að fylla út rafræna umsókn. Umsóknarfrestur er til miðnættis þann dag sem auglýstur er.

Hvenær rennur umsóknarfrestur út?

Umsóknarfrestir fyrir Mugg 2016 eru sem hér segir:

  • 1. febrúar 2016 vegna verkefna sem hefjast á tímabilinu 1. mars - 31. ágúst 201;
  • 1. ágúst 2016 vegna verkefna sem hefjast á tímabilinu 1. september 2016 - 28. febrúar 2017.

Umsóknarfrestur er til miðnættis þann dag sem auglýstur er.

Fyrirspurnir og/eða ábendingar

Nánari upplýsingar um Mugg eru veittar á skrifstofu SÍM í gegnum síma 551 1346 og netfangið sim@sim.is.  Heimasíða Muggs.

Þarfnast þessi síða lagfæringar?