Landupplýsingar á umhverfis- og skipulagssviði annast gerð og útgáfu mæliblaða. 

Skrifstofa framkvæmda og viðhalds mannvirkja annast gerð og útgáfu hæðarblaða.
 

Hnita- og hæðaskrá

Hnita- og hæðaskrá á pappírsformi fæst í þjónustuveri Reykjavíkurborgar, Borgartúni 12 - 14, sími: 4 11 11 11. Hnit og hæðir á einstökum hnit- og hæðarpunktum fást símleiðis eða í tölvupósti hjá landupplýsingadeild umhverfis- og skipulagssviðs.

Mæliblöð

Mæliblöð lýsa legu og stærð lóða og gildandi mörkum eigna og umráðasvæða. Á mæliblaði skal sýna byggingarreit og þær kvaðir sem eru í gildi á viðkomandi svæði, svo sem vegna samþykktra mannvirkja eða veitukerfa. Mæliblöð eru yfirleitt í mælikvarðanum 1:500. Þjónustuver Reykjavíkurborgar, Borgartúni 12 - 14, 105 Reykjavík, sími: 4 11 11 11, sér um varðveislu og afgreiðslu mæliblaða. Einnig má skoða og prenta út mæliblöð í Borgarvefsjá.

Hæðarblöð

Á hæðarblöðum er gerð grein fyrir hæðum á lóðamörkum. Annars vegar er um að ræða hæðir á mörkum borgarlands og lóða og hins vegar hæðir milli samliggjandi lóða. Einnig er á hæðarblöðum gerð grein fyrir staðsetningu og hæð frárennslisheimæða og staðsetningu kaldavatnsheimæða. Auk þess er sýnd staðsetning inntaks rafmagns, hitaveitu og síma. Þjónustuver Reykjavíkurborgar, Borgartúni 12 - 14, 105 Reykjavík,  sími: 4 11 11 11, fer með varðveislu og afgreiðslu hæðarblaða. Einnig má skoða og prenta út hæðarblöð í Borgarvefsjá.

 

Þarfnast þessi síða lagfæringar?

8 + 9 =