Kjarvalsstofa - Gestaíbúð í París

Kjarvalsstofa í París er listamannaíbúð með vinnuaðstöðu. Á árinu 2017 er leigan 522 evrur á mánuði fyrir einstakling. Íbúðin er leigð í tvo mánuði í senn. Ætlast er til að dvalargestir skili inn stuttri greinargerð eftir dvöl sína í París.

 

Hvað er Kjarvalsstofa?

Kjarvalsstofa er stúdíóíbúð með vinnuaðstöðu sem ætluð er til dvalar fyrir listamenn. Íbúðin er staðsett í miðborg Parísar, skammt frá Notre Dame dómkirkjunni. Stofan er í eigu Reykjavíkurborgar, mennta- og menningarmálaráðuneytisins og Seðlabanka Íslands.

Hvernig er sótt um?

Frá mánudaginum 20. febrúar verður hægt að sækja um fyrir tímabilið 1. ágúst 2017 - 31. júlí 2018. Umsóknarfrestur er til og með 20. mars 2017. Úthlutun er tveir mánuðir í senn en stjórnarnefnd er ekki heimilt að úthluta íbúðinni í skemmri tíma. Sótt er um dvöl í Kjarvalsstofu á Rafrænni Reykjavík.  Með umsókn þurfa eingöngu að fylgja gögn sem umsækjandi telur að styðji umsóknina. Stjórnarnefnd Kjarvalsstofu fer yfir umsóknirnar og tekur ákvörðun um hverjir hljóta úthlutun. Öllum umsækjendum er svarað um leið og úthlutun hefur verið ákveðin.

Ætlast er til að dvalargestir skili inn stuttri greinargerð til Stjórnar Kjarvalsstofu þar sem fram komi lýsing á unnu verkefni og afrakstri dvalarinnar.

Hvað kostar þjónustan?

Á árinu 207 er leigan 522 evrur á mánuði fyrir einstakling. Leigan hækkar í kringum 3% um hver áramót. Einnig skulu tilvonandi íbúar greiða tryggingargjald sem jafngildir eins mánaðar dvalargjaldi en það endurgreiðist við brottför ef vinnustofan er yfirgefin í góðu ástandi.

Fyrirspurnir og/eða ábendingar

Skrifstofa menningar- og ferðamálasviðs, Vesturgötu 1, 101 Reykjavík, svarar fyrirspurnum og tekur við ábendingum og kvörtunum varðandi Kjarvalsstofu í París í gegnum síma 411 6020 eða netfangið menning@reykjavik.is.

Þarfnast þessi síða lagfæringar?

5 + 0 =