Íbúðarhúsalóðir

Veldu þér stað til búsetu í Reykjavík

Reykjavíkurborg býður lóðir til sölu á föstu verði í samræmi við samþykkt borgarráðs 8. maí 2014. Boðnar eru lóðir í Úlfarsárdal, Reynisvatnsási, í Blesugróf og Lambaseli. 

Veldu möguleika:

Samkvæmt samþykkt borgarráðs 8. maí 2014 er verð fyrir byggingarrétt með gatnagerðargjöldum í Úlfarsárdal og Reynisvatnsási á íbúð í fjölbýlishúsi 4,6 milljónir króna, í rað- og parhúsum kostar byggingarrétturinn 7,6 milljónir og 11,1 milljón króna á einbýlishús upp að 375 fermetrum.  Allar lóðirnar sem bjóðast eru byggingarhæfar.  

Ferill umsókna

Í stórum dráttum er umsóknarferlið eftirfarandi:

  • Sótt er um byggingarrétt eða lóð á sérstöku umsóknareyðublaði.
  • Úthlutað er í þeirri röð sem umsóknir berast.
  • Umsókn er móttekin og umsækjandi fær staðfestingu með ósk um að senda gögn um greiðsluhæfi eða lánsloforð
  • Eftir að umsækjandi hefur skilað inn gögnum er umsókn lögð fyrir borgarráð, sem úthlutar byggingarrétti ásamt leigulóðarréttindum. Þá er kominn á bindandi kaupsamningur.
  • Lóð skal greidd innan 45 daga frá úthlutunardagsetningu (samþykkt borgarráðs). 
  • Gengið er frá lóðarleigusamningi eftir að lóð/byggingaréttur hefur verið greiddur.

Nánari upplýsingar er að finna í  almennum reglum um úthlutun lóða og sölu byggingaréttar fyrir íbúðarhús í Reykjavík, maí 2014 (sjá undir tengd skjöl til hægri á síðu). 

Þarfnast þessi síða lagfæringar?

3 + 14 =