Grassláttur í Reykjavík skiptist í þrjá hluta.
  • Svæði meðfram þjóðvegum í þéttbýli.
  • Almenningsgarðar.
  • Önnur svæði.
  • Alls eru slegnir 474 hektarar af grasi í Reykjavík.
    Alls eru slegnir 474 hektarar af grasi í Reykjavík.

Verktakar sinna slætti meðfram þjóðvegum í þéttbýli, svo sem við Bústaðaveg, Kringlumýrabraut, Reykjanesbraut, Sæbraut, Hringbraut, Miklubraut, Vesturlandsveg, Höfðabakka og Gullinbrú. Boðið er út í samvinnu við Vegagerðina.  Um er að ræða 118 hektara, sem áætlað er að slegnir verði fjórum sinnum yfir sumarið.

Starfsfólk garðyrkjudeildar sinnir slætti í almenningsgörðum, svo sem í Laugardal, Hljómskálagarði, Klambratúni, Grundargerði, Austurbergi, Seljatjörn og í Mæðragarði við Rofabæ.  Um er að ræða í kringum 22 hektara, sem slegnir eru allt að vikulega.

Starfsfólk á Þjónustumiðstöð borgarlandsins sinnir slætti á öðrum svæðum, svo sem í íbúðahverfum og á grunn- og leikskólalóðum.  Um er að ræða 334 hektara sem áætlað er að slá um þrisvar sinnum, en það fer þó eftir sprettu hverju sinni og á hverjum stað.

Á yfirlitskortinu hér fyrir neðan má sjá nánar um skiptinguna. Smella á mynd til að sjá stærri. 

Alls eru því slegnir 474 hektarar af grasi á 9.352 sláttusvæðum í Reykjavík.
Heildaryfirferð grassláttar er því á bilinu 1.600 til 1.700 hektarar.
Umsjón með grasslætti í Reykjavík er hjá Þjónustumiðstöð borgarlandsins, Stórhöfða 9.

Kostnaður við grasslátt hjá Reykjavíkurborg

Í ár (2015) eru um 200 milljónir króna ætlaðar til að sinna grasslætti hjá Reykjavíkurborg. Myndin sýnir bókfærðan kostnað á verðlagi hvers árs. 

Hvað er slegið?

Gras á borgarlandi, við þjóðvegi í þéttbýli og á stofnanalóðum Reykjavíkurborgar er slegið.  Ekki er slegið innan lóða hjá fólki og eru íbúar hvattir til að kynna sér lóðamörk, sem hægt er að gera á Borgarvefsjá.

Hvað er búið að slá, hve oft og hvenær?

Hægt er að fylgjast með framvindu grassláttar á Borgarvefsjá, ef valin er þekjan „Grassláttur“ í valglugga.  Þá kemur fram hvaða svæði hafa verið slegin, auk þess sem hægt er að kalla fram hvenær síðast var slegið og hve oft.

 

Fyrirspurnir og/eða ábendingar

Best er að senda ábendingar um slátt inn í ábendingakerfi Reykjavíkurborgar.  Auk þess er hægt að hringja í þjónustuver Reykjavíkurborgar í síma 4 11 11 11 og mun starfsfólk þar sjá um að færa ábendingar inn í ábendingakerfið.  Þjónustuver er opið kl 8.20 - 16.15 alla virka daga.

Þarfnast þessi síða lagfæringar?

1 + 18 =