Hvað er starfsmat?

Starfsmat er greiningartæki sem notað er til þess að leggja með kerfisbundnum hætti mat á innihald starfa og kröfur til starfs.  Með starfsmati skapast þannig hlutlæg viðmið til grunnröðunar á störfum. Forsendur launaákvarðana byggðar á  starfsmati eru skýrar, sýnilegar og aðgengilegar starfsmönnum. Niðurstöður starfsmatsins eru kynntar á innri vef Reykjavíkurborgar og þar koma fram heildarstig starfs. Sundurliðun stiga eftir efnisþáttum starfsmatsins og starfsyfirlit starfa, sem er stutt lýsing á kröfum til starfs er einnig vistuð á innri vef borgarinnar.

Mikilvægt er að hafa í huga að starfsmat metur aðeins grunnkröfur til starfa en ekki einstaklingsbundna hæfni starfsmanna.  Með öðrum orðum þá er lagt mat á það hvaða kröfur eru gerðar til starfsmanns í tilteknu starfi.  Ekki er lagt mat á einstaklingsbundna hæfni jafnvel þó umfram hæfni eða hæfileikar hafi bein eða óbein áhrif á frammistöðu í starfi.  Einstaklingsbundna hæfni má meta til dæmis með frammistöðu- eða hæfnismati.

Fyrirspurnir og/eða ábendingar:

Vinsamlegast hafið samband ef einhverjar spurningar vakna eða ef óskað er eftir frekari upplýsingum. Netfang starfsmatsins er starfsmat@reykjavik.is.

Þarfnast þessi síða lagfæringar?

7 + 6 =