Ungbarnaleikskólinn Ársól

  • Ungbarnaleikskólinn Ársól

Ársól er heilsuleikskóli og geta 48 börn, á aldrinum níu mánaða til þriggja ára, dvalið þar samtímis á tveimur aldursblönduðum deildum.

Leikskólinn er ein heild og börn á báðum deildum, Bangsastofu og Kisudeild,  hittast reglulega í útiveru, hreyfistundum, söngstund og í frjálsum leik í sameiginlegum sal skólans. Í salnum fara einnig fram markvissar hreyfistundir undir leiðsögn fagstjóra.

Markmið leikskólans er að stuðla að heilsueflingu leikskólasamfélagsins með áherslu á næringu, hreyfingu og listsköpun í leik. Hugmyndafræðin byggir á því að ef barn fær hollan og næringaríkan mat og mikla hreyfingu spretti fram aukin þörf til að skapa.

Leikskólastjóri er Berglind Grétarsdóttir.