• Landnámssýning.

Afgreiðslutími

Opnunartímar:
Daglega 09:00 – 18:00
júní – ágúst, leiðsögn kl. 11:00
www.borgarsogusafn.is

Aðgangseyrir

Fullorðnir: 1.600 kr.
Börn 17 ára og yngri: Ókeypis.
Eldri borgarar 67+: Ókeypis.
Öryrkjar: Ókeypis.

Nemendur gegn framvísun nemendaskírteinis: 900 kr.
Menningarkorthafar: ókeypis
Menningarkortið: 6.000 kr.

 

Um Landnámssýninguna

Landnámssýningin var opnuð í maí 2006 en á sýningunni er fjallað um landnám í Reykjavík og byggt er á fornleifarannsóknum sem fram hafa farið í miðbænum. Miðpunktur sýningarinnar er skálarúst frá 10. öld, sem fannst þegar grafið var fyrir nýju húsi á horni Aðalstrætis og Túngötu. Búið var í skálanum frá því um 930 til 1000. Norðan við skálann fannst veggjarbútur sem er ennþá eldri, eða frá því um eða fyrir 871 og eru það elstu mannvistarleifar sem fundist hafa á Íslandi.

Margmiðlunartækni er notuð til að útskýra byggingarlag húsa á víkingaöld. Einnig er hægt að skyggnast inn í skálann með hjálp tölvutækni og ímynda sér hvernig lífi heimilsfólksins var háttað. Á sýningunni er reynt að gefa hugmynd um umhverfi Reykjavíkur eins og það var við landnám. Þá eru sýndir munir sem fundist hafa við fornleifauppgröft í miðbæ Reykjavíkur.
Á sumrin og í desember mánuði eru boðið upp á leiðsögn á ensku kl. 11 alla virka daga.
Hljóðleiðsagnir eru í boði, á íslensku, ensku, frönsku, þýsku og norsku.

Hægt er að sérpanta leiðsagnir fyrir hópa. Vinsamlegast hafið samband í síma 411 6370 eða pantið leiðsögn með því að senda tölvupóst á: landnam@reykjavik.is


 

Þarfnast þessi síða lagfæringar?

15 + 0 =