Skrifstofa eigna og atvinnuþróunar

Skrifstofa eigna og atvinnuþróunar fer með málefni eignasjóðs Reykjavíkurborgar jafnframt því að vinna að verkefnum á sviði atvinnuþróunar. Skrifstofustjóri er Hrólfur Jónsson og heyrir skrifstofan undir embætti borgarritara. 

Reykjavík

Byggingarsvæði

Skrifstofa eigna og atvinnuþróunar leiðir vinnu við eða tekur þá í vinnu margra uppbyggingarsvæða í Reykjavík með fagsviðum borginnar. Meðal svæða sem eru í vinnslu eru Vogabyggð, Hlíðarendabyggð, Vesturbugt. 
 

Stærsti fasteignasjóður landsins

Eignasjóður Reykjavíkurborgar er einn stærsti fasteignasjóður landsins með yfir 300 fasteignir. Sjóðurinn fer með rekstur, viðhald, kaup og sölu eigna borgarinnar, svo sem lönd, lóðir og aðrar fasteignir, samgöngumannvirki og lausabúnað, sem fellur undir A-hluta í rekstri Reykjavíkurborgar, sem og tillögugerð varðandi úthlutun lóða.

Fjárfestingaráætlun

Skrifstofan leiðir vinnu við fjárfestingaáætlun Reykjavíkurborgar í samráði við fjármálaskrifstofu og fagsvið borgarinnar auk þess að hafa umsjón með vinnu við fjárstýringu og lánsfjáráætlunargerð í samráði við fjármálaskrifstofu. Skrifstofan gerir viðhaldsáætlun vegna eignasafns Reykjavíkurborgar og áætlanir um kaup og sölu eigna og eignfærðs lausafjár í samstarfi við fagsviðin.

Markaðssetning lands

Skrifstofan sér um markaðssetningu og þróun lands með atvinnustefnu borgarinnar og aðalskipulag að leiðarljósi og í samráði og samvinnu við fagsvið og fyrirtæki borgarinnar, önnur sveitarfélög, hið opinbera sem og einkaaðila. Þá vinnur skrifstofan að gerð úthlutunarskilmála og sér um lóðaúthlutanir í samræmi við atvinnustefnu og aðalskipulag auk þess að taka þátt í gerð deiliskipulags með umhverfis- og skipulagssviði þegar við á.

Nýsköpun og þróun

Skrifstofan vinnur að eflingu samkeppnishæfni borgarinnar í alþjóðlegri keppni um fólk, fyrirtæki og fjármagn.

Skrifstofan hefur umsjón með hlutafélögum sem tengjast nýsköpun, þróun og eignasjóði Reykjavíkurborgar jafnframt því að leiða þróunarverkefni tengd miðborginni sem miða að því að efla miðborgina, bæta samkeppnisstöðu hennar og fjölbreytileika. Skrifstofan á samstarf við verslun og þjónustu, veitingafólk og aðra hagsmunaaðila og sinnir verkefnum sem miða að því að efla öryggi miðborgarinnar í samstarf við lögreglu, slökkvilið og önnur svið borgarinnar.

Skrifstofan fer einnig með tryggingamál Reykjavíkurborgar í samstarfi við fjármálaskrifstofu.

Sýningar og kynningar

Skrifstofa eigna og atvinnuþróunar stuðlar að samráði og samvinnu Reykjavíkurborgar og viðskiptalífsins meðal annars með kynningarfundum og sýningum.

  • Málþing um nýjar íbúðir í Reykjavík.  Borgarstjórinn í Reykjavík bauð til málþings um uppbyggingu íbúðarhúsnæðis í Reykjavík föstudaginn 13. október 2017. kl. 9.00 - 11.00 í Ráðhúsi Reykjavíkur.
    -  Skoða upplýsingasíðu: Nýjar íbúðir í Reykjavík - málþing 2017 en þar eru glærur og upptaka af fundinum. 

 

  • Málþing Reykjavíkurborgar og Mannvirkjastofnunar um meiri sveigjanleika í byggingarreglugerð til að geta mætt þörf fyrir litlar og ódýrar íbúðir var haldið 12. desember 2013.
    Skoða frásögn af málþinginu og kynningarglærur sem fyrirlesarar notuðu. 
     
  • Opinn fundur um stöðu atvinnulífsins í borginni var haldinn miðvikudaginn 12. mars 2014.  Kynnt var sóknaráætlun höfuðborgarsvæðisins í ferðaþjónustu, uppbygging alþjóðlegra þekkingarsvæða og viðsnúningur í byggingu íbúða.
    Skoða frásögn af opnum fundi og kynningarglærur fyrirlesara.
  •  
  • Í nóvember 2014 stendur Reykjavíkurborg fyrir kynningarfundum og sýningu í Ráðhúsi Reykjavíkur um nýjar íbúðir í Reykjavík. Gerð verða kynningarmyndbönd og eru þau farin að birtast á vefsíðunni reykjavik.is/ibudir   

Fyrirspurnir og/eða ábendingar

Nánari upplýsingar fást gegnum þjónustuver Reykjavíkurborgar í síma 411 111 eða netfangið upplysingar@reykjavik.is.

Skrifstofan er staðsett í Ráðhúsi Reykjavíkur, Tjarnargötu 11.

Þarfnast þessi síða lagfæringar?

3 + 12 =