Íþrótta- og tómstundasvið

ITR merkiSviðsstjóri er Ómar Einarsson.

Í hverfum borgarinnar veitir ÍTR margskonar þjónustu sem snýr að frítíma borgarbúa. Þar eru meðal annars sundlaugar, íþróttamiðstöðvar, hjólabrettagarðar, gervigrasvellir og sparkvellir. Af starfsemi sem síður er hverfisbundin má nefna Hitt HúsiðYlströndinaFjölskyldu- og húsdýragarðinn og skíðasvæðin.

ÍTR sinnir víðtæku samstarfi við hagsmunaaðila í íþrótta- og æskulýðsstarfi, veitir styrki til félaga og styrkir þátttöku barna og unglinga í starfsemi þeirra með Frístundakortinu.

Möguleikar íbúa Reykjavíkurborgar til skemmtilegrar frístundaiðju eru afar miklir og ættu allir aldurshópar að geta fundið eitthvað við sitt hæfi. ÍTR leggur áherslu á miðla á einfaldan hátt upplýsingum um slíka starfsemi, hvort sem hún er á vegum ÍTR eða annarra borgarstofnana. Sérstök áhersla er lögð á að kynna möguleika barna og unglinga í hverfum borgarinnar.

Sumarliðar ÍTR sumarið 2018

 


Opnað hefur verið fyrir umsóknir fyrir íþrótta- og æskulýðsfélög í Reykjavík til ÍTR til ráðninga sumarliða sumarið 2018. Markmið fjárveitingarinnar er að fjölga atvinnutækifærum fyrir ungt fólk í Reykjavík og styðja við framkvæmd frístundaúrræða fyrir börn yfir sumartímann. Umsóknarfrestur rennur út 23. febrúar og verður umsóknum svarað fyrir 9. mars næstkomandi. Við úthlutun er tekið mið af umsvifa félagsins og verkefna sumarliðanna. Hægt er að nálgast umsóknareyðublaðið hér:

https://drive.google.com/open?id=1MR8hbnybwLgR-vBZAdj6dDjkNp3251FAOspX6oFJDFM

 

 

 

Skrifstofa ÍTR

Skrifstofan er í Borgartúni 12 - 14 og er opin virka daga kl. 8:30 - 16:00.

Sími: 4 11 11 11.
Netfang: itr@reykjavik.is.

Á aðalskrifstofu eru fagskrifstofur fjármála, íþróttamála, mannauðsmála og upplýsingatæknimála og bera þær ábyrgð á rekstri og stjórnsýslu sviðsins og þeim stofnunum sem undir það heyra.

Aðalskrifstofa íþrótta- og tómstundasviðs sinnir skjalavörslu, fundarboðun og vörslu fundargerða fyrir íþrótta- og tómstundaráð og ber ábyrgð á því að ákvarðanir ráðsins komi til framkvæmda.

Þarfnast þessi síða lagfæringar?

17 + 0 =