Í Skipulagssjá Reykjavíkurborgar má nálgast samþykkt deiliskipulag og aðalskipulag fyrir borgina. Þjónustan er öllum opin og gjaldfrjáls.

Opna Skipulagssjá.

Hvaða upplýsingar má nálgast í Skipulagssjá?

Vefsjáin er tvískipt. Annars vegar er veittur aðgangur að staðfestu deiliskipulagi og skilmálum deiliskipulags og hins vegar að aðalskipulagi Reykjavíkur (AR2010 - 2030) þar sem finna má almennari stefnumörkun borgarstjórnar um skipulag borgarinnar í heild sinni.

Svæðisskipulag höfuðbogarsvæðisins til 2040 er að finna á vesfíðum Samtaka sveitarfélaga á höfuðborgarsvæðinu.

Einnig má nálgast nýjustu loftmyndir af borginni og valin þemu úr landupplýsingakerfi Reykjavíkur (LUKR) og í aðalskipulagsglugganum er hægt að nálgast nýjustu upplýsingar um magn og gerð húsnæðis og fjölda íbúa á völdum svæðum.

Tilgangur Skipulagssjár

Skipulagssjánni er ætlað að auka aðgengi almennings og framkvæmdaaðila að gildandi stefnumörkun borgaryfirvalda í skipulagsmálum. Skipulagsáætlanir eru sífelldum breytingum háðar og því mikilvægt að tryggja gott aðgengi að skipulagsáætlunum á stafrænu formi, þar sem nýjustu breytingar hafa verið færðar inn.

Þarfnast þessi síða lagfæringar?

9 + 1 =