Spöngin eining G, Spöngin 3-5/Móavegur 2 og 4

Í samræmi við 1. mgr. 43. gr. skipulagslaga nr. 123/2010, er hér með auglýst tillaga að breytingu á deiliskipulagi í Reykjavík.

Á fundi umhverfis- og skipulagsráðs þann 5. júlí 2017 og borgarráði Reykjavíkur þann  6. júlí 2017 var samþykkt að auglýsa tillögu að breytingu á deiliskipulagi Spangarinnar einingu G vegna lóðanna nr. 3-5 við Spöngina og 2 og 4 við Móaveg. Í breytingunni felst að fjölga íbúðum í 130 íbúðir og fella út heimild til að byggja verslunar- og þjónustuhúsnæði á lóðinni, byggingarreitir eru breyttir lítillega, þakgörðum efri hæða fækkað, breidd svalaganga minnkuð, bílastæðaskilmálum breytt, bílakjallari minnkaður, fjöldi bílastæða ofanjarðar aukinn og sorpgeymsla er fyrir hefðbundin sorpskýli á lóð. Nánar um tillöguna vísast til kynningargagna.

Tillagan er einnig aðgengileg á skjá og í tölvu í þjónustuveri Reykjavíkurborgar að Borgartúni 12-14, 1. hæð, virka daga kl. 8:20 – 16:15 frá 14. júlí 2017 til og með 25. ágúst 2017.  Eru þeir sem telja sig eiga hagsmuna að gæta hvattir til að kynna sér tillöguna. Ábendingum og athugasemdum við tillöguna skal skila skriflega til  skipulagsfulltrúa eða á netfangið skipulag@reykjavik.is, eigi síðar en 25. ágúst 2017. Vinsamlegast notið uppgefið netfang fyrir innsendar athugasemdir með tölvupósti.

Þarfnast þessi síða lagfæringar?

3 + 16 =