Í samræmi við 1. mgr. 43. gr. skipulagslaga nr. 123/2010, er hér með auglýst tillaga að breytingu á deiliskipulagi í Reykjavík.

Á fundi umhverfis- og skipulagsráðs þann 5. júlí 2017 og borgarráði Reykjavíkur þann  20. júlí 2017 var samþykkt að auglýsa breytingu á deiliskipulagi Landsímareits. Í breytingunni felst m.a. að borgarlandi, milli lóðanna Vallarstrætis 4 og Aðalstrætis 7 er skipt upp og lóðir  stækkaðar sem því nemur, leyfilegt verði að fjarlægja viðbyggingu frá 1967 við Thorvaldsenstræti 6 og byggja í sömu mynd, fallið frá kröfu um að opna samkvæmissal (Nasa) út í Vallarstræti, bætt við skilmálum um bílstæði, engar breytingar á stærðum og hæðum húsa og húshluta aðrar en að núverandi kjallara Vallarstrætis 4 er bætt við. Nánar um tillöguna vísast til kynningargagna.

Tillagan er einnig aðgengileg á skjá og í tölvu í þjónustuveri Reykjavíkurborgar að Borgartúni 12-14, 1. hæð, virka daga kl. 8:20 – 16:15 frá 4. ágúst 2017 til og með 15. september 2017.  Eru þeir sem telja sig eiga hagsmuna að gæta hvattir til að kynna sér tillöguna. Ábendingum og athugasemdum við tillöguna skal skila skriflega til  skipulagsfulltrúa eða á netfangið skipulag@reykjavik.is, eigi síðar en 15. september 2017. Vinsamlegast notið uppgefið netfang fyrir innsendar athugasemdir með tölvupósti.

Þarfnast þessi síða lagfæringar?

2 + 4 =