Kringlumýrarbraut frá Miklubraut að Bústaðavegi - augl. framlengd til og með 20. apríl 2017

Í samræmi við 1. mgr. 43. gr. skipulagslaga nr. 123/2010, er hér með auglýst tillaga  að deiliskipulagi í Reykjavík.

Á fundi umhverfis- og skipulagsráðs þann 15. febrúar 2017 og borgarráði Reykjavíkur þann  23. febrúar  2017 var samþykkt að auglýsa tillögu að deiliskipulagi fyrir Kringlumýrarbraut  frá Miklubraut að Bústaðavegi. Deiliskipulagið nær yfir Kringlumýrarbraut og nærumhverfi hennar, frá Miklubraut að frárein upp á Bústaðaveg. Í tillögunni felst að komið er fyrir forgangsleið fyrir almenningssamgöngur í norður- og suðurátt ásamt því að skilgreina hjóla- og gönguleið og hljóðvegg meðfram lóðum við Stigahlíð. Nánar um tillöguna vísast til kynningargagna.

Tillagan er einnig aðgengileg í þjónustuveri Reykjavíkurborgar að Borgartúni 12-14, 1. hæð, virka daga kl. 8:20 – 16:15 frá 1. mars 2017 til og með 20. apríl 2017.  Eru þeir sem telja sig eiga hagsmuna að gæta hvattir til að kynna sér tillöguna. Ábendingum og athugasemdum við tillöguna skal skila skriflega til  skipulagsfulltrúa eða á netfangið skipulag@reykjavik.is, eigi síðar en 20. apríl 2017. Vinsamlegast notið uppgefið netfang fyrir innsendar athugasemdir með tölvupósti.

Þarfnast þessi síða lagfæringar?

1 + 4 =