Kennaraháskóli Íslands, reitur 1.254 auglýst að nýju

Í samræmi við 1. mgr. 43. gr. skipulagslaga nr. 123/2010, er hér með auglýst, samhliða breytingu á aðalskipulagi, tillaga að nýju deiliskipulagi í Reykjavík.

Á fundi umhverfis- og skipulagsráðs þann 5. apríl 2017 og borgarráði Reykjavíkur þann  6. apríl. 2017 var samþykkt að endurauglýsa framlagða tillögu að deiliskipulagi reits 1.254, Kennaraháskóli Íslands samhliða auglýsingu á breytingu á Aðalskipulagi Reykjavíkur 2010-2030.  Í deiliskipulaginu felst uppbygging á hluta núverandi lóðar Kennaraháskóla Íslands fyrir byggingu  60 íbúða fyrir eldri borgara og allt að 100 íbúðir fyrir námsmenn. Auk þess verða skilgreindar upp á nýtt byggingarheimildir fyrir lóð Kennaraháskóla Íslands.  Deiliskiplagstillagan er auglýst samhliða breytingu á aðalskipulagi varðandi „heimildir um fjölgun íbúða“ sem birtist einnig í dag. Nánar um tillöguna vísast til kynningargagna.

Tillagan er einnig aðgengileg í þjónustuveri Reykjavíkurborgar að Borgartúni 12-14, 1. hæð, virka daga kl. 8:20 – 16:15 frá 7. apríl 2017 til og með 19. maí 2017.  Eru þeir sem telja sig eiga hagsmuna að gæta hvattir til að kynna sér tillöguna. Ábendingum og athugasemdum við tillöguna skal skila skriflega til  skipulagsfulltrúa eða á netfangið skipulag@reykjavik.is, eigi síðar en 19. maí 2017. Vinsamlegast notið uppgefið netfang fyrir innsendar athugasemdir með tölvupósti.

Þarfnast þessi síða lagfæringar?

1 + 7 =