Holtavegur 23, Langholtsskóli

Í samræmi við 1. mgr. 43. gr. skipulagslaga nr. 123/2010, er hér með auglýst tillaga að breytingu á deiliskipulagi í Reykjavík.

Á fundi umhverfis- og skipulagsráðs þann 16. ágúst 2017 og borgarráði Reykjavíkur þann  24. ágúst 2017 var samþykkt að auglýsa tillögu að breytingu á deiliskipulagi Langholtsskóla að Holtavegi 23. Í breytingunni felst að byggingarreitur í suðvesturhluta lóðar er færður í norðausturhluta lóðar og minnkaður. Nánar um tillöguna vísast til kynningargagna. Vakin er athygli á að auglýsing varðandi Holtaveg 23, Langholtsskóla, sem birtist 6. september 2017 í Fréttablaðinu og Lögbirtingablaðinu er felld niður.

Tillagan er einnig aðgengileg á skjá og í tölvu í þjónustuveri Reykjavíkurborgar að Borgartúni 12-14, 1. hæð, virka daga kl. 8:20 – 16:15 frá 15. september 2017 til og með 27. október 2017.  Eru þeir sem telja sig eiga hagsmuna að gæta hvattir til að kynna sér tillöguna. Ábendingum og athugasemdum við tillöguna skal skila skriflega til  skipulagsfulltrúa eða á netfangið skipulag@reykjavik.is, eigi síðar en 27. október 2017. Vinsamlegast notið uppgefið netfang fyrir innsendar athugasemdir með tölvupósti.

Þarfnast þessi síða lagfæringar?

1 + 9 =