Í samræmi við 1. mgr. 43. gr. skipulagslaga nr. 123/2010, er hér með auglýst tillaga að breytingu á deiliskipulagi í Reykjavík.

Á fundi umhverfis- og skipulagsráðs þann 27. september 2017 og borgarráði Reykjavíkur þann  5. október 2017 var samþykkt að auglýsa  tillögu að breytingu á deiliskipulagi Hlíðarenda. Í breytingunni felst m.a. fjölgun íbúða á reitum C, D og F í samræmi við breyttan aðalskipulags-talnagrunn, breyting á skilmálum er varða svalaganga á íbúðareitum C, D og F,  fyrir reit H, að gera ný gatnamót, Valshlíð tengist við Nauthólsveg og textabreytingu/viðbót í skilmálum er varðar heimild fyrir matvöruverslanir á skipulagssvæðinu.  Nánar um tillöguna vísast til kynningargagna.

Tillagan er einnig aðgengileg á skjá og í tölvu í þjónustuveri Reykjavíkurborgar að Borgartúni 12-14, 1. hæð, virka daga kl. 8:20 – 16:15 frá 13. október 2017 til og með 24. nóvember 2017.  Eru þeir sem telja sig eiga hagsmuna að gæta hvattir til að kynna sér tillöguna. Ábendingum og athugasemdum við tillöguna skal skila skriflega til  skipulagsfulltrúa eða á netfangið skipulag@reykjavik.is, eigi síðar en 24. nóvember 2017. Vinsamlegast notið uppgefið netfang fyrir innsendar athugasemdir með tölvupósti.

Þarfnast þessi síða lagfæringar?

6 + 2 =