Eiðsgrandi – Ánanaust

Í samræmi við 1. mgr. 43. gr. skipulagslaga nr. 123/2010, er hér með auglýst tillaga  að deiliskipulagi í Reykjavík.

Á fundi umhverfis- og skipulagsráðs þann 9. nóvember  2016 og borgarráði Reykjavíkur þann 1. desember 2016 var samþykkt að auglýsa tillögu að deiliskipulagi strandsvæðis Eiðsgranda - Ánanaustar. Skipulagssvæðið er um 5,5 hektarar og er eitt stærsta græna svæðið í Vesturbænum og hefur mikið gildi sem útivistarsvæði og er eitt af markmiðum skipulagsins að bæta möguleika til útivistar allt árið um kring. Einnig felst m.a. í tillögunni að bæta grjótvarnargarðinn til að tryggja öryggi og að setja inn í skipulag aðgreinda göngu- og hjólastíga. Nánar um tillöguna vísast til kynningargagna.

Tillagan liggur einnig frammi í þjónustuveri Reykjavíkurborgar að Borgartúni 12-14, 1. hæð, virka daga kl. 8:20 – 16:15 frá 7. desember 2016 til og með 23. janúar 2017.  Eru þeir sem telja sig eiga hagsmuna að gæta hvattir til að kynna sér tillöguna. Ábendingum og athugasemdum við tillöguna skal skila skriflega til  skipulagsfulltrúa eða á netfangið skipulag@reykjavik.is, eigi síðar en 23. janúar 2017. Vinsamlegast notið uppgefið netfang fyrir innsendar athugasemdir með tölvupósti.

Þarfnast þessi síða lagfæringar?

1 + 6 =