Í samræmi við 1. mgr. 43. gr. skipulagslaga nr. 123/2010, er hér með auglýst tillaga að breytingu á deiliskipulagi í Reykjavík.

Á fundi umhverfis- og skipulagsráðs þann 17. maí 2017 og borgarráði Reykjavíkur þann  1. júní 2017 var samþykkt að auglýsa tillögu að breytingu á deiliskipulagi Skipholtsreits vegna lóðanna nr. 26 og 28 við Brautarholt. Í breytingunni felst m.a að bætt er við takmörkuðum byggingarreit við norðurhliðar Brautarholts 26 og 28 og austurhlið Brautarholts 26 fyrir svalir,  leyfilegt verði að koma fyrir þaksvölum á 2. hæð Brautarholts 28 með tengingu við bæði húsin, fyrirhugað að breyta efri hæðum hússins í íbúðir að hámarki 30 eða gistirými/hótel og á  jarðhæðum verði verslunar-, þjónustu- og geymslurými. Nánar um tillöguna vísast til kynningargagna.

Tillagan er einnig aðgengileg í þjónustuveri Reykjavíkurborgar að Borgartúni 12-14, 1. hæð, virka daga kl. 8:20 – 16:15 frá 13. júní 2017 til og með 25. júlí 2017.  Eru þeir sem telja sig eiga hagsmuna að gæta hvattir til að kynna sér tillöguna. Ábendingum og athugasemdum við tillöguna skal skila skriflega til  skipulagsfulltrúa eða á netfangið skipulag@reykjavik.is, eigi síðar en 25. júlí 2017. Vinsamlegast notið uppgefið netfang fyrir innsendar athugasemdir með tölvupósti.

Þarfnast þessi síða lagfæringar?

6 + 2 =