Í samræmi við 1. mgr. 43. gr. skipulagslaga nr. 123/2010, er hér með auglýst tillaga að breytingu á deiliskipulagi í Reykjavík.

Á fundi umhverfis- og skipulagsráðs þann 7. júní 2017 og borgarráði Reykjavíkur þann  15. júní  2017 var samþykkt að auglýsa, í samræmi við rammaskipulag samþykkt í umhverfis- og skipulagsráði 5. apríl 2017, tillögu að breytingu á deiliskipulagi fyrir lóðina nr. 24 við Borgartún. Í breytingunni felst breyting á atvinnuhúsnæði í íbúðarhúsnæði með allt að 65 íbúðum, lifandi jarðhæðir og bílastæði í bílakjallara. Lögð er áhersla á góðar göngutengingar í gegnum svæðið, mannlegan kvarða og góða aðstöðu fyrir hjólandi vegfarendur. Tillagan gerir ráð fyrir auknu byggingarmagni og hækkar nýtingarhlutfall á lóð úr 0,83 í 1,96. Nánar um tillöguna vísast til kynningargagna.

Tillagan er einnig aðgengileg í þjónustuveri Reykjavíkurborgar að Borgartúni 12-14, 1. hæð, virka daga kl. 8:20 – 16:15 frá 20. júní 2017 til og með 1. september 2017, framlengt til og með 15. september 2017.  Eru þeir sem telja sig eiga hagsmuna að gæta hvattir til að kynna sér tillöguna. Ábendingum og athugasemdum við tillöguna skal skila skriflega til  skipulagsfulltrúa eða á netfangið skipulag@reykjavik.is, eigi síðar en 15. september 2017. Vinsamlegast notið uppgefið netfang fyrir innsendar athugasemdir með tölvupósti.

 

Hér má nálgast kynningar sem voru haldnar á fundi 16.ágúst ásamt fundargerð, skuggavarpi og minnisblaði um umferð:

Aðalskipulag Reykjavíkur – 
Rammaskipulag fyrir reitinn -
Deiliskipulag og skuggavarp
Skuggavörp 1
Skuggavörp 2 -
Skuggavörp mars, maí, júní, okt

Borgartúnsreitir og umferð
Fundargerð

Þarfnast þessi síða lagfæringar?

4 + 1 =