Á embættisafgreiðslufundi skipulagsfulltrúa 28. júlí 2017 var lögð fram tillaga um breytingu á deiliskipulagi Ártúnshöfða vegna lóðar nr. 12 við Bíldshöfða. Í breytingunni felst að breytt er byggingarreit fyrir matshluta 03. Heimilt er að byggja svalir beggja vegna byggingar. Tilgangur svala er að sjá fyrir björgunarsvæði úr vinnustofum á 3. og 4. hæð. Einnig er byggingarreitur stækkaður til austurs við gafl svo koma megi fyrir innan hans björgunarstiga með brú fyrir 3. og 4. hæð samkvæmt meðfylgjand smækkuðum teikningum sem einnig má sjá á reykjavik.is undir skipulag í
kynningu.

Með vísan til 2. mgr. 44. gr. laga nr. 123/2010 er eftirtöldum hagsmunaaðilum gefinn kostur á að tjá sig um tillöguna: Húseigendum að Bíldshöfða 10 og 14. Bent skal á að leigutakar húsnæðis á ofangreindum lóðum teljast einnig til hagsmunaaðila og skulu húseigendur kynna tillöguna fyrir þeim. Nánari upplýsingar eru veittar hjá skipulagsfulltrúa, verkefnisstjóri er Jón Kjartan Ágústsson.

Kynning hefst þann 10. ágúst nk. og skal athugasemdum við ofanskráða tillögu komið til skipulagsfulltrúa skriflega eða á netfangið skipulag@reykjavik.is eigi síðar en 7. september 2017.

Þarfnast þessi síða lagfæringar?

5 + 2 =