Samstarf um húsnæðismál - „Nýju Reykjavíkurhúsin“

Til að bæta framboð fjölbreytts húsnæðis fyrir ólíka félagshópa hefur borgarráð samþykkt að leita eftir samstarfi við byggingarfélög, sjálfseignarstofnanir, húsnæðissamvinnufélög og leigufélög, sem rekin eru án hagnaðarsjónarmiða og hafa að markmiði byggingu íbúða fyrir félagsmenn sína. 

  • Samstarfið afmarkast við tvö uppbyggingarsvæði
    Samstarfið afmarkast við tvö uppbyggingarsvæði
  • Vesturbugt - skipulagshugmynd
    Vesturbugt - skipulagshugmynd
  • Vesturbugt - skipulagshugmynd
    Vesturbugt - skipulagshugmynd
  • Kirkjusandur - úr hugmyndavinnu
    Kirkjusandur - úr hugmyndavinnu
  • Kirkjusandur - úr hugmyndavinnu
    Kirkjusandur - úr hugmyndavinnu
  • Kirkjusandur - úr hugmyndavinnu
    Kirkjusandur - úr hugmyndavinnu
  • Kirkjusandur - úr hugmyndavinnu
    Kirkjusandur - úr hugmyndavinnu
  • Kirkjusandur - úr hugmyndavinnu
    Kirkjusandur - úr hugmyndavinnu

Verkefnið er hluti af þróunarverkefni sem kallast „Nýju Reykjavíkurhúsin“ og byggir það á aðalskipulagi Reykjavíkur 2010 - 2030 og nýrri húsnæðisstefnu borgarinnar sem gera ráð fyrir auknu og fjölbreyttu framboði húsnæðis fyrir ólíka félagshópa.

Samstarf um 180 íbúðir í Vesturbugt og á Kirkjusandi

Samstarfið afmarkast við tvö uppbyggingarsvæði sem eru annars vegar Vesturbugt þar sem áformað er að reisa allt að 80 íbúðir á grundvelli þessa samstarfs og hins vegar Kirkjusand en Reykjavíkurborg hefur þar lóðir fyrir um 100 íbúðir til ráðstöfunar til þessa verkefnis.

Þegar fjöldi og samsetning samstarfsaðila liggur fyrir er áformað að bjóða lóðirnar út í almennu útboði.

Tilkynni um áhuga fyrir 29. maí

Borgarráð fól skrifstofu eigna og atvinnuþróunar (SEA) að halda utan um verkefnið.  Félög sem hafa áhuga á samstarfi og uppfylla viðmið eru beðin um að láta vita fyrir 29. maí nk. með tölvupósti á netfangið sea@reykjavik.is . Þau félög sem vilja kynna sér nánar þær hugmyndir og kröfur sem liggja til grundvallar verkefninu geta fengið sérstaka kynningu hjá skrifstofu eigna og atvinnuþróunar.

Tengt efni:

Þarfnast þessi síða lagfæringar?

1 + 3 =