Samtök sveitarfélaga á höfuðborgarsvæðinu, fulltrúaráð

Fallist var á samþykkt fyrir Samtök sveitarfélaga á höfuðborgarsvæðinu á aðalfundi samtakanna 4. nóvember 2011.

Markmið samtakanna er að vinna að sameiginlegum hagsmunamálum sveitarfélaganna, efla samstarf þeirra og stuðla að auknum samskiptum og samstarfi sveitarstjórnarmanna, sveitarstjórnarnefnda og starfsmanna sveitarfélaga á höfuðborgarsvæðinu.

Stjórn SSH er skipuð framkvæmdastjórum Garðabæjar, Hafnarfjarðar, Kjósarhrepps, Kópavogs, Mosfellsbæjar, Reykjavíkur, Seltjarnarness og sveitarfélagsins Álftaness. Hver sveitarstjórn tilnefnir varamann úr röðum kjörinna sveitarstjórnarmanna. Formaður er kosinn sérstaklega til tveggja ára í senn og skipta aðildarsveitarfélögin með sér formennskunni. Á fundi borgarráðs 19. júní 2014 var S. Björn Blöndal varamaður borgarstjóra í stjórninni.

Í samþykktum SSH er kveðið á um að á fyrsta aðalfundi eftir sveitarstjórnarkosningar skuli skipað sérstakt fulltrúaráð samkvæmt tilfnefningu aðildarsveitarfélaga. Fjöldi fulltrúa fer eftir stærð sveitarfélags. Eingöngu aðalmenn í sveitarstjórn eru kjörgengir í fulltrúaráðið.

Á fundi borgarráðs 19. júní 2014 var kosið í fulltrúaráð samtakanna.

Fulltrúar Reykjavíkurborgar í svæðisskipulagsráði SSH voru á sama fundi kjörnir Hjálmar Sveinsson og Júlíus Vífill Ingvarsson.

Þarfnast þessi síða lagfæringar?